اسلام آباد۔11اگست (اے پی پی):پاکستان ءُ عراق ءِ نیام ءَ ڈلی تک ءَ سول ءُ تران چار شمبے ءِ روچ ءَ وزارت ءِ درئی کار ءَ برجم دارگ بوت۔ دوئیں ملک آں یونائیٹڈ نیشنل ءَ ھوار میاں اوستمانی فورمز آنی سر ءَ دو نیمگی کمک آناں ودینگ ءُ سیاسی شور ءُ مشور ءِ کار ءَ را دیم ءَ ودینگ ءِ واستہ یکجائی کار رھبند ءَ را وتی کنگ ءَ تپاک کت۔ سول ءُ تران ءَ عراق ءِ وزیر ءِ درئی کار فواد حسین وھدیکہ پاکستانی ڈل ءِ سروکی ءَ وزیر ءِ درئی کار مخدوم شاہ محمود قریشی کنگ ءَ انت۔ سول ءُ تران دو نیمگی یکوئی، وت مہ وتی واھگ ءِ شوبگ آنی تہ ءَ دو نیمگی کمک آنی دیمروی ءَ ارزشتی ایں دمگی ءُ میاں اوستمانی کار آنی سر ءَ ھیال ریچی کنگ بوت۔ وزیر ءِ درئی کار شاہ محمود قریشی ءَ اے موہ ءِ سر ءَ گوشت کہ پاکستان براتیں ملک عراق ءِ گوما وتی یکوئی آناں ھاسیں ارزشت دنت۔
