بہاولپور۔ 11اگست (اے پی پی) وزیراعظم عمران خان اسہ دے ئی دورہ غا بہاولپور آ سرمسنے۔ وزیراعظم بہاولپور اٹی سویلی پنجاب نا سرکڑدہ غاتون اوڑدہی کیک۔ داکان بیدس وزیراعظم ءِ فعال سویلی پنجاب سیکرٹریٹ نا کارکڑد و بہاولپور ڈویژن اٹ شونداری ڈٹ آتیا سرجم حوال تننگک۔ اوکان پد وزیراعظم حکومت نا کشت وکشار آ خاص چکار کننگ نا وژن نا رداٹ اڈ ہلوک آ بزغر کنونشن اٹی مہمان خاص نا وڑاٹ بشخ ہلیک ہراڑے نئے بیرہ سویلی پنجاب اٹی پیدوار نا ودکی بلکن بزغرآتا کمکاری نا ڈٹ آتا ہم بناءِ کیک۔ وزیراعظم دود آن تران ہم کیک۔ وزیراعظم ملک اٹی بھلو کچ اسے آ برجابشامی شجرکاری مہم نا چرجوئی ٹی لال سوہانرہ نیشنل پارک اٹی نیال اس خلیک و ہموڑے جنگل آتا رکھ اکن پوسکن آ ٹیکنالوجی نا جاچ ءِ ہم ہلیک۔
