دہشت گردی نا واقعہ غاتا خطرہ ارے، غٹ سیمک بند ءُ ہچ ءُ مہاجر اس پاکستان آ بفننگ ءِ، بنجائی وزیر داخلہ شیخ رشید احمد

اسلام آباد۔ 11 اگست (اے پی پی) بنجائی وزیر داخلہ شیخ رشید احمد پارینے کہ دشمن پاکستان اٹی بے چیٹی ودی کننگ نا سازش کننگ ءِ، دہشت گردی نا واقعہ غاتا خطرہ ارے، غٹ سیمک بند ءُ ہچ ءُ مہاجر اس پاکستان آ بفننگ ءِ، پاکستان جہانی سیاست نا مرکز اس جوڑ مننگ والا ءِ، داسہ تہہ نا سیاست کن ہچ ءُ جاگہ اس اف، اپوزیشن ٹھس مسنے، سلہہ لیسن بیرہ میرٹ آ ملک۔ داخیال آتا درشانی ءِ او چارشنبے نادے آ اسلام آباد چیمبر آف کامرس اینڈ انڈسٹری ٹی میڈیا نا نمائندہ غاتون گپ وتران کرسا کرے۔ بنجائی وزیر داخلہ شیخ رشید احمد شاری تیا زور شاغا کہ کورونا ایس او پی تا پابندی کیر، رکھی گام گیج اختیار کیر، راولپنڈی اسلام آباد اٹی کورونا نا کیس آک ودنگ ءُ، دنیاٹی ہم کورونا ودنگ ءِ، ننے بھاز خیالداری اٹ کاریم ہلوئی مریک، وزیر داخلہ پارے کہ او جمعہ و ہفتہ نا چھٹی کن اسدعمر و چیف سیکرٹری تون ہیت کیک۔ وزیر داخلہ پارے کہ اپوزیشن نا انتس کہ مرضی ءِ کے عمران خان تینا 5سال ءِ پورو کیک۔ اپوزیشن آئین و کانود نا دنگ اٹ انت کہ جمہوری سرگرمی اس کننگ خوائے کننگ کیک، ولے اپوزیشن ءِ ہروارآنبار مفت مشورہ تننگ اُٹ کہ پاکستان ہرا جہانی سیاست نا مرکز جوڑ مننگ والا ءِ ٹی داسہ تہہ نا سیاست کن ہچ ءُ جاگہ اس اف۔ زرگزران ءِ گچین کروئی ءِ و عمران خان ”نئے کس اسے تینا گل زمین ءِ کاریم اٹ اتنگ کن الینہ و نئے کس اسے نیام تمنگ کن الینہ“ نا سلوگن ءِ اختیار کرینے ہراٹی ننکن بھاز مشکلات ہم ارے۔ اسہ سوج اسے نا ورندی ٹی اوپارے کہ بلاول بھٹو حالیت آتے پہہ مفننگ ءِ۔ او دیوان کرسا کیک کرسا کے۔ او پاریکہ کہ دسمبر اٹ عمران خان کاہک ولے عمران خان تو ہچ ءُ جاگہ اس ہنتو و نئے کاہک۔ نواز شریف ہم 16فروری آن پد آن فارغ مسنے۔ اونا پاسپورٹ کینسل مسنے۔ شہباز شریف ای سی ایل آن اونا پن ءِ کشنگ نا خواست ہم کتو۔ سلہہ لیسن نا بابت سوج انا ورندی ٹی وزیرداخلہ پارے کہ او مر ہنانے ہراتم ممنوعہ بور انا اسہ اسہ لکھ لیسن جاری کننگا۔ داسہ داوڑ مفک و بیرہ قاعدہ و ضابطہ غا پورو سلوک آ و خراج پیئرءِ ہی سلہہ لیسن ملک۔ کنے اختیار ضرور ملانے ولے ای اختہ مسونٹ ہر اسٹ ءِ کلاشنکوف نا لیسن درکار ءِ ولے داسہ بیرہ میرٹ آ ہی کلاشنکوف نا لیسن ملک۔