اسلام آباد۔ 11 اگست (اے پی پی) بنجائی وزیر منشیات تور اعجاز احمد شاہ اسلام آباد اٹی وزارت منشیات تور اٹی رجسٹریشن کمیٹی نا 57می دیوان نا کماشی ءِ کرے، دیوان اٹی اعجاز شاہ کمیٹی ٹی بشخ ہلوک آتے کمپنیز نا لیسن و این او سی تننگ نا لائحہ عمل اٹ ساختی بدلی اتنگ نا پارت کرے۔ دیوان اٹی (او کیمیکل ہرامنشیات جوڑ کننگ کن ہم کاریم اٹ اتنگ مریرہ) اوفتے تینا پروڈکشن اٹ کاریم اٹ اتوک آ کمپنی تا کنڈآن این او سی نا درخواست آتے شرہ ٹی اتنگا وخت اس کہ این او سی و لائسنس نا مسخت داپک کننگ مریک کہ نوشتہ کروک کاریم اٹ اتنگ آن بیدس دا کیمیکل پین جاگہ اس کاریم اٹ اتنگ مف و نئے اوڑاسکان رسینگ ممکن مرے۔ بنجائی وزیر پارت کرسا پارے کہ قاعدہ و ضابطہ نا رداٹ کاریم کپروک آ کمپنی تا لیسن تے منسوخ کننگے۔ بنجائی وزیر این او سی تننگ نا اسہ فیس اس جتا کننگ نا سلہ ءِ خلسا پارے کہ دا نالائحہ عمل مرتب کننگ کن غٹ پلوآتا جاچ ءِ ہلنگے۔ داڑآن حکومت کن ریونیو دوئی مننگ کیک ہراکہ منشیات نا برخلاف جنگ اٹ کاریم اٹ اتنگ مریک۔ دیوان اٹی زیر غور اتوک آ کمپنیز و اوفتا پروفائلز آتیا وزیر منشیات تور ءِ سرجم حوال تننگا۔ اعجاز احمد شاہ پارت کرے کہ غٹ کمپنی تا کارروائی تا چاروکی ءِ کننگے۔
