اسلام آباد۔ 11 اگست (اے پی پی) بنجائی وزیر ڈٹ بندی، شونداری،اصلاحات و خصوصی گام گیج و این سی او سی نا سروک اسد عمر الس آن شجرکاری مہم اٹ زیات آن زیات بشخ ہلنگ نا خواست کرسا پارینے کہ اسلام آباد اٹی درخت آتے ترندی اٹ گڈنگ انگ ءِ ولے شجرکاری مہم آن بروک آ چین تے فائدہ ایتنہ۔ چارشنبے نادے آ میڈیا تون گپ وتران کرسا اوپارے کہ اسلام آباد اٹی شونداری نظام نا بابت گڑاس فیصلہ غاتے وزیراعظم نا کنڈآ دننگ اُن۔ اوپارے کہ بنجائی دارالحکومت اٹی اسہ وڑ نظام ریگولیٹ کننگ والا اُن و بیرہ اسلام آباد اٹی 2لکھ 75ہزار درخت پوریاگر آتون اواری اٹ خلنگ اُن وخت اس کہ اسلام آباد اٹی دیر انا بھلو اسکیم اس اتسا بننگ اُن۔ اسد عمر پارے کہ اسلام آباد اٹی اسہ سال اٹی 4ہسپتال ہم جوڑ کننگ والا اُن۔ اسلام آباد اٹی چندی نجی ہاؤسنگ سوسائٹیک کانود نا خلاف ورزی ءِ کرینو۔ سی ڈی ا ے و پرائیویٹ ہاؤسنگ سوسائٹی تیٹی پرخ ءِ چٹفنہ۔ اوپارے کہ غازی بھروتھاآن اسلام آباد ءِ 10کروڑ گیلن دیر تننگک داکان بیدس اسلام آباد اٹی گورننس سسٹم ءِ گچین جوڑ کننگ اُن۔
