اوغانستان نا ہشت می صوبہ غا طالبان تا کوزہ غان پد اوغانستان و امریکی الس ءِ اوغانستان نا ساڑی آ حکمران تا مون آ سوج تخر کہ اوفتے تروک آ اِراہزار ارب ڈالر ہرانگ ہنار، بنجائی وزیر حوالکاری و شینکاری چوہدری فواد حسین

اسلام آباد۔ 11اگست (اے پی پی) بنجائی وزیر حوالکاری و شینکاری چوہدری فواد حسین پارینے کہ اوغانستان نا ہشت می صوبہ غا طالبان تا کوزہ غان پد اوغانستان و امریکی الس ءِ اوغانستان نا ساڑی آ حکمران تا مون آ سوج تخر کہ آخر اوغانستان ءِ تروک آ اِراہزار ارب ڈالر ءِ ڈغار کُنگ یا آسمان کیدا۔ چارشنبے نادے آ تینا اسہ ٹویٹ اسے ٹی اوپارے کہ داسہ پیسہ خلنگ آن پد اوغان فوج پنہ غاتیانبار انت اکن تالان ءُ؟۔ بنجائی وزیر حوالکاری پارے کہ اوغانستان نا الس غریب مننگ ءِ ولے اوغانستان نا سیاستدان و جرنیل ارب پتی ءُ۔ داغٹ انا پیشن نا ملک آتے ٹی ارب آ میرات آک ءُ۔ کرپشن ہراوڑ قوم تے غرق کیک، اوغانستان دانا درور ءِ۔