اسلام آباد۔ 11اگست (اے پی پی) وزیر مملکت حوالکاری و شینکاری فرخ حبیب پارینے کہ عمران خان نا کماشی ٹی اقلیت آتے غٹ حق و آسراتی تا فراوانی ءِ پک کننگ انگ ءِ، اقلیت آتے بحیثیت شاری زند اناہر بشخ اٹی پبی کڑد ادا کننگ نا غٹ وارخواہی دوئی مسنے، اقلیت آتا حق انا پاسداری دین اسلام نا رغاموک آتے ٹی اہم ءُ حیثیت اس تخک۔ چارشنبے نادے آ اقلیت آتا جہانی دے آ تینا کلہو اٹی وزیر مملکت فرخ حبیب پارے کہ رواداری، تین پہ تینی شرف و ہروڑنا پرخ آن بیدس انسانی حق انا رکھ اسلامی راج انا بنداوی خواست ءِ، ننا آئین اٹی ہم دااسلامی اصول ءِ پورو وڑاٹ تننگانے۔ اوپارے کہ ساڑی حکومت اقلیت آتا راجی کن چندی گام گیج کرینے، جمہوری روایت آتا مون آ دننگ کن مذہبی ہم آہنگی نا کوشست آتے ترند کننگک۔
