اسلام آباد۔ 11 اگست (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ کم و ود 4سال اٹی اولیکو وار کشاری شونداری بینک انا منافع 3ارب روپئی مسنے۔ 2017ء آن پد بینک انا جم منافع ٹی 148 درسد ودکی مس۔ چارشنبے نادے آ تینا ٹویٹ اٹی اوپارے کہ تدوک آ سال انا 759ملین نا نسخان آن 3ارب نا منافع اسکان نا سفر ہنداوڑ برجاسلیس تو انشاء اللہ دسمبر اسکان بینک(بریک ایون پوائنٹ اسکان سرمریک یعنی دا بینک نسخان آن پیش تمک۔ اوپارے کہ کشاری شونداری بینک ہمو ادارہ غاتیان اسٹ ءِ ہرافتے مسلم لیگ ن بھسکاری نا دنگ اسکان سرکریر۔ عمران خان نئے بیرہ نابود آتا زرگزرانی گند ءِ صاف کننگ ءِ بلکن اصلاحات نا کمک اٹ ملک انا سمت ءِ سہی کننگ ءِ۔
