اسلام آباد۔ 10اگست (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ جون 2020اٹی برآمد 1.599ارب ڈالر وخت اس کہ جون 2021اٹی برآمد 1.130ارب ڈالرنا ودکی اٹ 2.729ارب ڈالر اسکان سرمس، جون 2020ء نا مقابلہ ٹی جون 2021اٹی جم برآمد آتے ٹی 70.67درسد وخت اس کہ مئی 2021ء نا مقابلہ ٹی جون 2021ء ٹی برآمد آتے ٹی 63.32درسد ودکی ریکارڈ کننگا۔ سے شنبے نادے آ تینا ٹویٹ اٹی او پارے کہ زرگزران نا جعلی افلاطون ہڑدے بھاشن بازی کن آن وار مریک حالانکہ ہمو نالائخ آک زرگزران ءِم داحالیت اسکان سرکریسر۔ اوپارے کہ اینو وطن عزیز کورونا دین آن جنگ ءِ کٹنگ تون اوار اوار زرگزران نا بحالی نا کنڈآہم رواں دواں ءِ۔ اوپارے کہ ملک شون ہلیک و ریاست آ سیاست ءِ اولیت تروک آک خنرہ۔
