راولپنڈی۔ 10اگست (اے پی پی) بنجائی وزیر داخلہ شیخ رشید احمد پارینے کہ راولپنڈی نا ہولی فیملی ہسپتال اٹی پوسکن آ آسراتی تتون کورونا وارڈ اس جوڑ کننگانے۔ ضرورت تما تو مچ آ فیملی ہسپتال ءِ کوویڈ ہسپتال اٹ بدل کینہ، کورونا وارڈ اکن 20پوسکن ءُ وینٹی لیٹر این سی او سی فراوان کرینے۔ داہیت ءِ او سے شنبے نادے آ ہولی فیملی ہسپتال راولپنڈی نا دورہ ءِ کرسا پارے۔ وزیر داخلہ داوخت آ ہسپتال نا چندی وارڈ و پوسکن آ جوڑ مروک آ آسراتی تا جاچ ءِ ہلک وخت اس کہ راولپنڈی میڈیکل یونیورسٹی نا وائس چانسلر ڈاکٹر محمد عمر وزیر داخلہ ءِ حوال تس۔ وائس چانسلر پوسکن آ کورون اوارڈ انا جوڑ کننگ و وینٹی لیٹر آتا فراوانی کن وزیر داخلہ نا کوشست آتا ستاءِ کرے۔
