اسلام آباد۔ 10اگست (اے پی پی) وزیراعظم نا خصوصی کمکار امور نوجوانان و سروک سرسہب ورناپروگرام عثمان ڈار پارینے کہ سرسہب ورنا و سرسہب پاکستان پروگرام نا کمک اٹ آزاد کشمیر نا محرومی تے مر کینہ۔ داخیال آتا درشانی ءِ او وزیراعظم آزاد کشمیر عبدالقیوم نیازی تون اوڑدہی ٹی کرے۔ پوسکن آ گچین مروک آ وزیراعظم کانود ساز اسمبلی حافظ حامد رضاہم اوڑدہی ٹی شریک عثمان ڈار نا وزیراعظم آزاد کشمیر ءِ عہدہ ءِ سنبھالنگ آ مبارکباد آزاد کشمیر نا ورناتے کن روزگار و وسیلہ غاتا فراوانی آ گپ وتران کننگا۔ وزیراعظم نا خصوصی کمکار پارے کہ آزاد کشمیر نا ورناتے مچ آ ملک آنبار بنجائی حکومت نا پبی کمک فراوان کننگ انگ ءِ۔ کشمیر اٹی سرسہب ورنا پروگرام نا کمک اٹ زر انا بشخنگ نا عمل ءِ ترند کننگانے۔ عثمان ڈار پارے کہ بنجائی حکومت پورو کمک فراوان کننگ کن تیار ءِ۔ سرسہب ورنا و سرسہب پاکستان پروگرام نا کمک اٹ آزاد کشمیر نا محرومی تے مر کینہ۔ وزیراعظم آزاد کشمیر پارے کہ کشمیری ورناتے روزگار نا بھلو وارخواہی اس فراوان کننگے انتئے کہ ورناتے ٹی بے پناہ ٹیلنٹ ءِ۔ بنجائی حکومت سرپرستی کے۔
