اسلام آباد۔ 09اگست (اے پی پی) وزیراعظم عمران خان لاہور آ روانہ مسنے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم حکومت نا کلین اینڈ گرین پاکستان ویژن نا رداٹ لاہور نا علاقہ سگیاں ٹی دنیا نا غٹ آن بھلا میاواکی نا فاریسٹ نا بناءِ کیک۔ لاہور اٹی داوڑنا 53خلنگ انگ ءِ ہرا لاہور نا فضاٹی کاربن نا کچ ءِ کم کننگ اٹ کمکار مریرہ۔ 100کینال آ تالان پوسکن آ ٹیکنالوجی آن خلوک آ دا جنگل اٹ جم وڑاٹ اسہ لکھ 65ہزار نیال خلنگ انگ ءِ ہرا لس جنگل آتا رداٹ دہ ہنداخہ زیات رفتار اٹ ودرہ۔ وزیراعظم دا وخت آ نیال ہم خلیک۔ اوکان پد وزیراعظم لاہور اٹی اہم دیوان تا کماشی ءِ ہم کیک۔
