اسلام آباد۔ 09اگست (اے پی پی) چیئرمین سینیٹ محمد صادق سنجرانی الیکٹرانک وونٹنگ مشین نا سے شنبے نادے آ معائنہ ءِ کیک۔ وزارت سائنس و ٹیکنالوجی نا رداٹ الیکٹرانک وونٹنگ نا بابت آگاہی مہم اٹی مشین ءِ ہرچار آ صوبائی اسمبلی تیٹی ہم تخنگک۔ وزیراعظم عمران خان وی وونٹنگ مشین نا مہالو آن معائنہ ءِ کرینے۔ الیکٹرانک وونٹنگ مشین ءِ وزارت سائنس و ٹیکنالوجی تیار کرینے۔ الیکٹرانک وونٹنگ مشین ءِ الیکشن کمیشن نا جاری کروک اصول آتا رداٹ جوڑ کننگانے۔ بنجائی وزیر سائنس و ٹیکنالوجی سینیٹر شبلی فراز مہالو آن دا پڑو کرینے کہ الیکٹرانک وونٹنگ مشین ءِ ہرچار آ صوبائی اسمبلی تیٹی ہم تخنگک۔ پارلیمنٹ نا باسک آتیان الیکٹرانک وونٹنگ مشین آ وونٹنگ کرفنگک وخت اس کہ ای وونٹنگ آ باسک آتا سلاہ تا جاچ ءِ ہم ہلنگک۔ بنجائی وزیر سائنس و ٹیکنالوجی نا پاننگ ءِ کہ ساف و شفاف گچین کاری کن پوسکن آ ٹیکنالوجی نا کاریم اٹ اتنگ وخت انا گرج ءِ، ای وونٹنگ گچین کاری تیان مچ آ گچین کاری کلچر بدل و شفافیت آ مبنی مریک۔
