اسلام آباد۔ 09اگست (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان نا کلین اینڈ گرین پاکستان مہم اسہ تحریک نا دروشم اس اختیار کرینے، مچ آ پاکستانی قوم چاگڑدی بدلی نا خراب انگا اثرآتیان بچنگ کن درخت خلسا تینا قومی زمواری ءِ پورو کننگ ءُ۔ دوشنبے نادے آ تینا ٹویٹ اٹی وزیر مملکت فرخ حبیب پارے کہ وزیراعظم عمران خان دوشنبے نادے آ لاہور اٹی میاواکی اربن فارسٹ نا بناءِ کیک۔ وزیراعظم سگیاں ٹی میاواکی نا درخت خلنگ نا مہم نا بناءِ کیک۔ وزیراعلیٰ تون اوڑدہی تون اوار گورنر ہاؤس پنجاب اٹی وزیراعظم ءِ کنوئی آ ساف دیر انا فراوانی نا بابت آب پاک اتھارٹی آ حوال تننگک۔ وزیراعظم ءِ اسپیشل ٹیکنالوجی زون تا بابت حوال تننگک۔
