اسلام آباد۔ 09اگست (اے پی پی) تدوک آ بیست ءُ چار گھنٹہ ٹی کورونا دین انا سوب آن سندھ آن پد خیبرپختونخواٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 53مرک مس ہرافتے آن 25مرک وینٹی لیٹر آتیا ساڑی ناجوڑآتا ئسر۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24گھنٹہ ٹی مچ آ ملک اٹی 4ہزار 40بندغ آتا کوویڈ۔ 19ٹیسٹ مثبت بس۔ ملک انا 4بھلا شار تے ٹی وینٹی لیٹرآتیا کوویڈ۔ 19نا ناجوڑ آتا بیٹ کچ انا رداٹ راولپنڈی ٹی 28 درسد، پشاوراٹی 38درسد، ملتان اٹی 34درسد واسلام آباد اٹی 46درسد ناجوڑ ءُ۔ ہنداوڑاٹ ملک انا چار بھلا شارتے ٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ ایبٹ آباد اٹی 59درسد، کراچی ٹی 60درسد، حیدر آباد اٹی 68درسد و اسکردوٹی 89درسد ناجوڑ ءُ۔ تدوک آ 24گھنٹہ ٹی کوویڈ۔ 19نا 53ہزار 528ٹیسٹ کننگا ہرافتے آن سندھ اٹی 17ہزار 625پنجاب اٹی 19ہزار 506، خیبرپختونخواٹی 10ہزار 53، اسلام آباد اٹی 3ہزار 89، بلوچستان اٹی 1ہزار 47، گلگت بلتستان اٹی 541، آزاد کشمیر اٹی 1ہزار 667 ٹیسٹ اوار ءُ، داتم اسکان مچ آ ملک اٹی کوویڈ۔ 19آن دراخ جوڑ مروک آتا کچ 9لکھ 46ہزار 404مسنے۔ آزاد کشمیر و بلوچستان اٹی کوویڈ۔ 19نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19کن جتا وینٹی لیٹر آتیا 440ناجوڑ ءُ۔ مچ آ ملک اٹی کوویڈ۔ 19نا ایکٹیو کیس آتا کچ 82ہزار 298ءِ۔ مچ آ ملک اٹیی کورونا دین آن زہمی بندغ آتا کچ 10لکھ 71ہزار 620ءِ ہرافتیان آزاد کشمیر اٹی 27ہزار 288، بلوچستان اٹی 31ہزار 117، گلگت بلتستان اٹی8ہزار 796، اسلام آباد اٹی 90ہزار 660، خیبرپختونخواٹی 1لکھ 48ہزار 619، پنجاب اٹی 3لکھ 64ہزار 680و سندھ اٹی 4لکھ 400ناجوڑ ءُ۔ مچ آ ملک اٹی کورونا دین آن زوال کروک آتا کچ 23ہزار 918مسنے۔ ہرافتیان سندھ اٹی 6ہزار 215مرک وخت اس کہ تدوک آ بیست ءُ چار گھنٹہ ٹی 24ناجوڑ ہسپتال آتے ٹی وخت اس کہ 2ناجوڑ اُراتے ٹی قرنطینہ ٹی دادین آن زوال کریر۔ پنجاب اٹی 11ہزار 201مرک وخت اس کہ تدوک آ بیست ءُ چار گھنٹہ ٹی 6ناجوڑ ہسپتال آتے ٹی وخت اس کہ اسہ ناجوڑ اس اُراٹی قرنطینہ ٹی دادین آن زوال کرے، خیبرپختونخواٹی 4ہزار 556مرک وخت اس کہ تدوک آ بیست ءُ چار گھنٹہ ٹی 16ناجوڑ ہسپتال آتے ٹی دادین آن زوال کریر۔ اسلام آباد اٹی کل 816مرک وخت اس کہ تدوک آ بیستءُ چار گھنٹہ ٹی 2ناجوڑ ہسپتال آتے ٹی دادین آن زوال کریر۔ بلوچستان اٹی کل 331مرک، گلگت بلتستان اٹیی 153مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دادین آن زوال کرے۔ آزاد کشمیر اٹی دادین آن 646مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دادین آن زوال کرے۔ داتم اسکان مچ آ ملک اٹی کوویڈ۔ 19نا 1کروڑ 65لکھ 1ہزار 934ٹیسٹ کننگانے۔ مچ آ ملک اٹی کوویڈ۔ 19نا درمان کن جتا 639ہسپتال آتے ٹی 4ہزار 276ناجوڑ درمان مننگ ءُ۔
