بنجائی وزیر ریلوائی اعظم خان سواتی نا کوئٹہ بمب دھماکہ نا ترند ی اٹ مذمت

اسلام آباد۔ 09اگست (اے پی پی) بنجائی وزیر ریلوائی اعظم خان سواتی کوئٹہ بمب دھماکہ نا ترندی اٹ مذمت ءِ کرسا پارینے کہ اوبمب دھماکہ ٹی شہید مروک آ پولیس ورناتا شہیدی آ بھاز ڈکھیا مسنے، اللہ تعالیٰ شہید آتا درجہ غاتے بڑز و ٹھپی تے زوت دراخ جوڑ کے۔ بنجائی وزیر پارے کہ او شہید آتا خاہوت آتا غم اٹی بریبر نا شریک ءِ، لمہ وطن نا رکھ و دفاع کن شہید آتا عظیم قربانیک زیان مفسہ۔ اوپارے کہ ریاست مخالف واکدارک بلوچستان نا امن، شونداری و شونہالی نا عمل ءِ لتاڑنگ خوارہ، دہشت گرد آک مچ آ انسانیت نا دشمن ءُ۔ بنجائی وزیر پارے کہ شاری و پولیس کمامدارآتیا ڈکھوئی اٹ جلہو کرسا شرپسند آک تینا لغوری نا شاہدی ءِ تسنو، الس اٹ خوف و بھیم تالان کننگ نا سازش اسل سرسہب مفک۔