اسلام آباد۔ 09اگست (اے پی پی) آزاد کشمیر نا صدر سردار مسعود خان پارینے کہ جنگی ڈوہ انا ارتکاب آن پد بھارت ءِ سیکورٹی کونسل اٹ تولنگ و اونا کماشی ءِ کننگ نا ہچ ءُ حق اس اف۔ پاکستانی ہائی کمیشن نا رداٹ دوشنبے نادے آ فرینڈز آف کشمیر و کینڈین کونسل فار جسٹس اینڈ پیس انا کنڈآن ٹورنٹو ٹی اڈ ہلوک آ ”انٹرنیشنل سالیڈ یرٹی کانفرنس آن کشمیر“ آن …
صدر آزاد کشمیر سردار مسعود خان نا ٹورنٹو ٹی دود آن تران
گیشتریں ھال
اسلام آباد۔ 09اگست (اے پی پی) آزاد کشمیر نا صدر سردار مسعود خان پارینے کہ جنگی ڈوہ انا ارتکاب آن پد بھارت ءِ سیکورٹی کونسل اٹ تولنگ و اونا کماشی ءِ کننگ نا ہچ ءُ حق اس اف۔ پاکستانی ہائی کمیشن نا رداٹ دوشنبے نادے آ فرینڈز آف کشمیر و کینڈین کونسل فار جسٹس اینڈ پیس انا کنڈآن ٹورنٹو ٹی اڈ ہلوک آ ”انٹرنیشنل سالیڈ یرٹی کانفرنس آن کشمیر“ آن تران کرسا سردار مسعود خان پارے کہ کشمیری تے ظلم و ستم نا شست کننگ آ بھارت نا جنیوا کنونشن و جہانی کانود نا رداٹ محاسبہ ءِ کننگے و بھارت آن ہروڑنا استثناو چھوٹ ءِ پدی ہلنگے۔ سردار مسعود خان کانفرنس اٹی بشخ ہلوک آتے پارے کہ بھارتی مقبوضہ کشمیر آ بھارت نا اِرا سال متکن آ گھیڑ و غاصبانہ کوزہ نا اِراسال آن پد ہم ہزار آ نرینہ و چناو زالبول آتے غیر کانودی وڑاٹ پابند سلاسل کننگ و عقوبت خانہ و نظربندی کیمپ آتے ٹی تخنگ و اذیت تننگ نا چرجوئی برجاءِ۔ اوپارے کہ کشمیری تیان اوفتا 80درسد ڈغار ءِ پلسا اوفتیا ہندو آبادی و کاروبار مسلط کننگ تون اوار اوار ریاست نا مسلمان گیشتری ءِ چٹفنگ کن مچ آ ہندوستان آن لکھ آ ہندوتے کشمیر اٹی غیر کانودی وڑاٹ رہیفنگ انگ ءِ۔ سردار مسعود خان پارے کہ کشمیریک تینا حق اکن دنیا نا پارلیمان و میڈیا ادارہ غاتا کنڈآن تفنگ آ منت وار ءُ، ولے داوخت آ ریاست کشمیر و کشمیری الس نا شناخت ءِ گہیو تخنگانے، ہنداخاطرآن داموقع گا دنیاچپ تولنگ نا جاگہ غا بھارت ءِ اونا ظلم آن توننگ و کشمیری تے بھس کاری و کشت وخون آن بچفنگ کن کڑد ادا کے۔
