اسلام آباد۔ 09اگست (اے پی پی) پائیدار و گچین جہانی اقتصادی بحالی کن غٹ تر دوئی وسیلہ غاتیان فائدہ ہرفنگ نا گرج ءِ، مچ آ دنیا نا پالیسی ساز آتے بایدے مرے کہ دوئی وسیلہ غاتیان فائدہ ہرفنگ نا رداٹ پائیدار زرگزرانی شرح نمو نا رکھ اکن پالیسی اس مرتب کیر۔ جہانی مالیاتی فنڈ (آئی ایم ایف) تینا اسہ بلاگ اسے ٹی پارینے کہ بیرہ کارپوریٹ مارکیٹ پاور نا مون ءِ تورسا زرگزرانی بحالی نا درکار ہدف آتے دوئی کننگ مفک البتہ زرکاری ءِ مون آ دننگ، پوسکن آ ایجاد آتا است بڈی و کارندہ غاتا معاوضہ ٹی چرجوئی اتون ودکی نا کمک اٹ زیات گچین کشاری پالیسی نا ٹہیفنگ آن درکار ہدف آتا دوئی کننگ اٹ کمک دوئی کننگ مریک۔ آئی ایم ایف مچ آ دنیا نا پالیسی ساز آتیا زور شاغانے کہ کوویڈ۔ 19نا دین آن پد زرگزرانی بحالی کن غٹ تر دوئی وسیلہ غاتیان فائدہ ہرفنگ نا بابت پالیسی اس مرتب کیر تانکہ پائیدار و گچین اقتصادی بحالی ءِ پک کننگ مرے۔ زرگزرانی شرح نمو ٹی سوگوی نا بابت کشاری پالیسی بنداوی اہمیت تخک۔ ہنداخاطرآن کشاری پالیسی اس جوڑ کننگ نا وخت آ زرکاری ٹی ودکی، ایجاد آتا است بڈی و کارندہ تپہ نا معاوضہ غاتے ٹی ودکی نا حکمت عملی ہم درکار ہدف آتا دوئی کننگ اٹ کمکار مننگ کیک۔
