اسلام آباد۔ 09اگست (اے پی پی) حکومت چین پاکستان اقتصادی راہداری ڈٹ ءِ اولیت آتے ٹی تخانے، پاک چین اقتصادی راہداری ارب آ ڈالر نا اسہ میگا پروجیکٹ اسے ہراڑآن ہڑتوم آ ملک آتا تعلقداریک پوسکن آ بڑزی تسکان سرمریرہ۔ سی پیک اتھارٹی نا کمامدارآتارداٹ چین پاکستان اقتصادی راہداری آن ملک انا غٹ صوبہ غاک ہم اسہ وڑ فائدہ ہرفرہ وخت اس کہ بلوچستان، خیبرپختونخواو مسکوہی فاٹا ءِ خاص فائدہ مریک۔ داکلیدی ڈٹ انا پوروی آن پاکستانی زرگزران نا تقدیر بدل مریک۔ پاک چین اقتصادی راہداری نا رداٹ اہم ڈٹ آتے ٹی گوادر پورٹ انا اپ گریڈیشن، گوادر پورٹ ایکسپریس وے انا تفنگ، گوادر انٹرنیشنل ایئر پورٹ و کراچی سکھر موٹروے انا تفنگ اوار ءِ ہرافتا پوروی آن ملک انا اقتصادی و زرگزرانی شونداری و شونہالی نا ہدف آتا دوئی کننگ اٹ کمک دوئی مریک و پاکستان جہانی واپاری سرجزآتا مرکز جوڑمرسا مون آ بریک۔ پاک چین اقتصادی راہداری (سی پیک) نا فیز ٹواٹی سیل و سوات، انفارمیشن ٹیکنالوجی و کشت وکشار ءِ سی پیک اٹ اوار کننگانے، حکومت اڑزآن بجلی جوڑ کننگ نا کنڈآ ہِننگ ءِ، بھلاڈیمک نئے بیرہ کشت وکشارکن فائدہ ئی مریرہ بلکن ہائیڈرل پاور جنریشن نا مون آ دننگ اٹ ہم کمکار مریرہ ایلو کنڈآ چین نا بھلا کمپنیک کارپوریٹ فارمنگ اٹ است خواہی ہلنگ ءُ۔
