اسلام آباد۔8اگست (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ کوئٹہ بمب تراک ءَ را سک باز گوں ترندی ءَ مذمت گپت ءُ گوشت کہ ناشرکاری بلوچستان ءَ ایمنی ءِ جاور ھال آناں ھراب کنگ لوٹ ایت۔ اے رنگیں کاروائی ءَ چہ مئے دلبڈی جھل ءَ کپت نہ کنت۔ یک شمبے ءِ روچ ءَ وتی یک بیابے ءِ تہ ءَ آئی ءَ گوشت کہ ملک ھاسیں رنگ ءَ بلوچستان ءِ ایمنی ءَ را تاوان پجاری ءِ ھمک کوشست ناکام بیت۔ آئی ءَ گوشت کہ سیکورٹی ادارگ آں ایمنی ءِ برجائی ءِ واستہ گران بھائیں قربانی داتگ۔ آئی قربانی اچبر زوال نہ بنت۔ بنجاھی وزیر اھوالکاری ءَ گوشت کہ سرجمیں راج ناشرکاری ءِ ھلاپ ءَ جنگ ءَ وتی فورسز آنی گوما ھمکوپگ انت۔ بنجاھی وزیر اھوالکاری ءَ تراک ءَ شہید بوھوکیں پولیس کارندہ آنی سیاد ءُ وارس آں گوں دلپدردی کت ءُ ٹپیگ آنی زوت جان سلامتی ءِ واستہ دعا ءِ نیک کت۔
