اسلام آباد۔8اگست (اے پی پی): مزن وزیر عمران خان دو شمبے ءَ لاہور ءَ میاواکی اربن فاریسٹ ءِ بنگیج ءَ کنت۔ 10 ارب سونامی منصوبگ ءِ چیر دستی ءَ نہال کشگ ءِ واستہ مزن وزیر دگنیا ءِ درستاں چہ مستریں میاواکی فاریسٹ ءِ بنگیج ءَ کنگ ءِ واستہ لاہور ءِ تر ءُ تاب ءَ کنت۔ اے فاریسٹ 100 کنال ءِ سر ءَ جوڑ بیت۔ وھدیکہ ایشی ءِ اندر ءَ یک لکھ 65 ہزار درچک کشگ بیت ایش جتائیں میاواکی ٹیکنالوجی ءَ چہ ھمروچگیں نمنونگ ءِ درچک ءِ مقابلہ ءَ 10 سرئی زوت تر رودیت۔ ترندی ءَگ وں رودوکیں شہری جنگل آنی کشگ ِ واستہ ھاسیں زمین ءِ تیاری ءِ گوما جتا جتائیں نمونگ ءَ را جتائیں نمنونگ کارمرز کنگ بوھگ ءَ انت۔ لاہور ءِ جتائیں بھر آنی تہ ءَ مایاواکی ءِ 53 جنگل آنی ٹک ءُ نشان جتائیں ھند آنی سر ءَ کنگ بوتگ ایشی ءَ چہ کاربن ءِ تہ ءَ کمی ءِ گوما شہر ءِ ھوا ءِ ساپی بیت۔ مزن وزیر عمران خان لاہور ءِ ھوا ءِ ساپی ءُ باگ آنی برجائی ءِ واستہ جزمیگ انت۔ استیں بہار ءِ موسم ءِ ساھت ءَ سرجمیں ملک ءَ 50 کروڑ درچک کشگ بوھگ ءَ انت۔ ایش پاکستان ءِ درستاں چہ مستریں نہال کشگ ءِ گامگیج انت۔
