اسلام آباد۔8اگست (اے پی پی): بنجاھی وزیر ناشرکاری اعجاز احمد شاہ ءَ کوئٹہ تراک ءَ را گوں ترندی ءَ مذمت گران ءَ گوشتکہ شہید بوھوکیں پولیس کارندہ آناں توسیپ ءُ ستا پیش کناں۔ اعجاز احمد شاہ ءَ دعا گوں ھُدا وند ءَ کت کہ اللہ پاک توامیں شہید آنی درجگ آناں برز بکن آت ءُ پشمند آناں سگ ءُ اوپار کشی ءِ زکت ءَ بدیات۔ آئی ءَ گوشت کہ ملک ءِ دژمن اچبر وتی سلکاری آں کامیات نہ بنت۔ آئی ءَ گوشت کہ چیربوھگ ءُ شہری الس ءُ پولیس کارندہ آنی سر ءَ ارش کنوک آں وتی لگوری ءِ ثبوت داتگ۔ آئی ءَ گوشت کہ الس ءِ اندر ءَ ترس ءُ بیم ءِ پیداک کنوک اچبر کامیات نہ بنت۔
