اسلام آباد۔7اگست (اے پی پی):ایسوسی ایٹڈ پریس آف پاکستان (اے پی پی) ءَ را کوالٹی مینجمنٹ ءِ کد ءُ بالاد آناں میاں میاں اوستمانی تک ءَ ھمگونگ بوھگ ءِ پد ءَ آئی ایس او سرٹیفکیٹ دیگ بوتگ۔ صدر ءِ مملکت ڈاکٹر عارف علوی ءَ یک شمبے ءِ روچ ءَ ادا پاک چائنا فرینڈ شپ سنٹر ءَ نیشنل ڈیجیٹل انفارمیشن پلیٹ فارم ءِ بنگیج ءِ موہ ءَ مراگش ءَ بنجاھی سیکرٹری اھوالکاری ءُ شنگ کاری شاہیرہ شاہد ءُ ایم ڈی اے پی پی مبشر حسن ءَ را اے سرٹیفکیٹ پیش کت۔ اے پی پی ءَ را آئی ایس او 9001:2015 ءُ 27001:2013 سرٹیفکیٹ دیگ بوتگ انت۔ اے سرٹیفیکیشن ءِ چیر دستی ءَ اے پی پی زمانگ ءِ لوٹ آنی رد ءَ ھال رسانکی ءِ نوکیں ءُ برجائیں ڈیجیٹل میڈیا سروس ءِ تہ ءَ مٹ بوھگ ءِ گوما نوکیں لوٹ آنی رد ءَ ڈیجیٹل پلیٹ فارم ءَ پکوئیں ھال آناں زوت ءُ آسانی ءَ گوں پجاری ءَ کلیتی بستار ءَ وتی جوانیں کرد ءَ گیش برجمیں رنگ ءَ پیلو کت کنت۔
