اسلام آباد۔7اگست (اے پی پی): صدر مملکت ڈاکٹر عارف علوی ءَ گوشت کہ راستی ءَ چہ گستا ھال آنی شنگ ءُ تالانی پاکستان ءَ ھار سرجمیں دگنیا ءَ یک ٹوھیں جیڈھ ءِ جوڑؑ بوتگ، دروگیں ھال آنی وسیلگ ءَ میاں اوستمانی میڈیا ءِ سر ءَ پاکستان ءَ را نشانگ بندگ بوھگ ءَ انت، دروگیں ھال آنی بنیات ءَ عراق ءِ سر ءَ ارش کنگ ءَ چہ لکھانی مردم آناں کشگ بوتگ، ٹیکنالوجی ءِ پازیٹیو ءُ جوڑیشتی کامرزی ءَ چہ اسلاموفوبیا ءِ مقابلہ بیت ءُ سرجمیں دگنیا ءَ پاکستان ءِ شرپ برز ءُ بلند بیت، صوفی ازم ءَ درستاں چہ گیش محبت ءِ درس دیگ بیت، پاکستنا ءَ 35 لکھ اوگان لڈ ءُ بار کنوکیں آناں پناہ داتگ ایشی ءِ سرجمیں دگنیا ءَ درور نہ رس ایت بلے مارا درس دیوکیں روبرکتی ملک لڈ ءُ بار کنوک آناں زر ءِ چول آنی دیمپان کناں ءُ ایشاناں پناہ نہ دیاں۔
شمبے ءِ روچ ءَ ادا پاک چائینہ سنٹر ءَ برجم بوھوکیں وزارت ءِ اھوالکاری ءُ شنگ کاری ءِ راجی میڈیا ءِ ڈیجیٹلائزیشن ءِ منصوبگ نیشنل ڈیجیٹل انفارمیشن پلیٹ فارم “این ڈی آئی پی” ءِ بنگیجی مراگش ءَ گوں گشتانک ءَ دیان ءَ صدر مملکت ڈاکٹر عارف علوی ءَ گوشت بنجاھی وزیر اھوالکاری ءُ شنگ کاری چوہدری فواد حسین ءِ سروکی ءَ پی ٹی وی، ریڈیو پاکستان، اے پی پی، پیمرا ، پی آئی ڈی، ڈیجیٹل میڈیا ونگ ءُ میڈیا یونیورسٹی ءِ ھوالگ ءَ برجم داشتگیں مراگش ءَ بھر زوری ءِ سبب ءَ گل ءُ شات آں۔ آئی ءَ بنجاھی وزیر اھوالکاری ءُ شنگ کاری ءَ راجی میڈیا ءِ ڈیجیٹلائزیشن ءِ رد ءَ مبارک بات پیش کت۔ صدر ءِ مملکت ڈاکٹر عارف علوی ءَ گوشت کہ پی ٹی وی ءِ وھد ءِ بنگیج بوتگ گڈا بلیک اینڈ وائٹ بوتگ ءُ ایشی ءِ شنگ ءُ تالان کسانوک بوتگ، پدا پی ٹی وی رنگین بوتگ ءُ ایشی ءَ چہ پد پی ٹی وی ءِ جوانیں دور ءُ باریگ بندات بوتگ ءُ مئے ڈامہ سرجمیں دگنیا ءَ چارگ بوتگ انت۔ ءُ باز نامدار بوتگ انت۔ آئی ءَ گوشت کہ وھد ءِ مئے حکومت ءَ بندات بوت گڈا اے ھوالگ ءَ کار آنی بنگیج بوت، آئی ءَ گوشت کہ چوہدری فواد حسین مبارک بات ءِ لائک انت آئی ءَ راجی میڈیا ءَ را نوکیں زمانگ ءِ لوٹ آنی رد ءَ کار بندات کت انت۔ آئی ءَ گوشت کہ چوہدری فواد حسین ھر کجا روت سوبمندی ءِ گون انت ءُ روت۔ صدر ءِ مملکت ڈاکٹر عارف علوی ءَ گوشت کہ راستی آؐں چہ گستا ھال آنی رد ءَ دگنیا پریشان بیت۔ آءی ءَ گوشتکہ اللہ پاک ءَ ھم دروگیں ھال آنی بابت ءَ پنت ءُ شون کتگ اگاں کسے ءِ سر ءَ شک بیت گڈا پٹ ءُ پول بکن ات۔ آئی ءَ گوشت کہ فیک نیوز اے وھد ءَ سرجمیں دگنیا ءَ گیش بوتگ انت ءُ پاکستان ءَ ھم ایشی ارش است انت۔ صدر ءِ مملکت ءَ گوشت کہ دروگیں ھال سرجمیں دگنیا ءَ باز سہرا بنت ءُ ردیں ھال آنی رد ءَ عراق ءِ سر ءَ ارش بوتگ ءُ بازیں مردم ءِ کوشگ بوتگ۔ آءی ءَ گوشت کہ شریعت اسلام ءِ بنیاتی کانود انت وھدیکہ صوفی ازم ءَ چہ ھُدا وند ءِ گوما نزیکیں پیداک بیت۔ صدر ءِ مملکت ءَ امیت سہرا کت کہ پی ٹی وی ءِ سروکیں کرد ءِ پیلو کنان ءَ راج ءِ ھیل کار ءَ کنت ءُ ایندگر میڈیا ھم ایشرا من انت۔ آئی ءَ گوشت کہ ٹیکنالوجی ءِ پازیٹیو ءُ جوڑیشیتی کارمرزی ءَ چہ اسلامو فوبیا ءِ گوما مقابگلہ بیت ءُ سرجمیں دگنیا ءَ پاکستنا ءِ شرپ سہرا بیت۔
