اسلام آباد۔7اگست (اے پی پی): صدر ءِ مملکت ڈاکٹر عارف علوی ءَ وزارت ءِ اھوالکاری ءُ شنگ کاری ءَ نیشنل ڈیجیٹیل انفارمیشن پلیٹ فارم “این ڈی آئی پی” منصوبگ ءِ چیر دستی ءَ راجی میڈیا ءِ ڈیجیٹلائزیشن ءِ بنگیج کت۔ شمبے ءِ روچ ءَ ادا پاک چائنہ فرینڈ شپ سنٹر ءَ اے ھوالگ ءَ یک دیوان ء بست ءُ بند کنگ بوت اے دیوان ءِ سروکی ڈاکٹر عارف علوی ءَ راجی میڈیا ءِ ڈیجیٹلائزیشن ءِ منصوبگ ءِ چیر دستی ءَ پاکستان ٹیلی وژن، ریڈیو پاکستان ، ایسوسی ایٹڈ پریس آف پاکستان، پیمرا ، پی آئی ڈی ، ڈیجیٹل میڈیا ونگ ءُ میڈیا یونیورسٹی ءِ بنگیج کت۔ مراگش ءَ سپیکر راجی اسمبلی اسد قیصر، بنجاھی وزیر اھوالکاری ءُ شنگ کاری چوہدری فواد حسین، وزیر ءِ مملکت برائے اھوالکاری ءُ شنگ کاری فرخ حبیب، انسانی حقوق ءِ بنجاھی وزیر ڈاکٹر شیریں مزاری، مزن وزیر ءِ ھاسیں کمکار برائے کیاسگری ءُ تہی کار شہزاد اکبر ءُ سینیٹ ءِ قائمہ کمیٹی برائے اھوالکاری ءُ شنگ کاری ءِ چیئرمین سینیٹر فیصل جاوید ءَ ابید ٹوھیں ٹوھیں کارندہ ساڑی اتنت۔
