اسلام آباد۔7اگست (اے پی پی): کامیات ورنا پروگرام ءِ وسیلگ ءَ ورنا آناں زر بھر ءُ بانگ کنگ ءِ یک دگہ کامیاتی ءِ در جتگ، بنجاھی حکومت ءَ 13 ہزار ورنا آناں 15 ارب کلدار بھر ءُ بانگ کتگ۔ مردان ءِ نندوکیں ورنا آناں مہران علی ءَ 35 لکھ کلدار وام داتگ، ورنا آں وام ءِ گرگ ءِ واھشت چتور سرجم کتگ۔۔۔؟ سروک کامیات ورنا پروگرام عثمان ڈار ءَ شمبے ءِ روچ ءَ مردان ءَ ورنا آنی کسہ ٹویٹر ءِ سر ءَ شیئر کت۔ ایشی ءِ تہ ءَ مہران علی ءَ گوشت کہ مردان ءَ استیں وتی مڈیکل کالج ءَ نوکیں کورسز بندات کنگ لوٹیتگ بلے آئی ءِ آسراتی ءِ کمی ءِ سبب ءَ اے واھشت سرجم نہ بوتگ۔ آئی ءَ کامیات ورنا پراگرام ءِ وسیلگ ءَ یک ماہے ءَ 35 لکھ کلدار وام رستگ۔ اے زر آں چہ آئی ءَ نوکیں کورسز بندات کتگ ءُ رھشون بھرتی کتگ۔ مہران علی ءَ گیش گوشت کہ مرادان ءَ استیں فارماسسٹ ءُ انتظامی کارنہ آناں مزوری پجاری کتگ۔ آئی ءَ مزن وزیر عمران خان ءِ شگر ءُ منتواری گپت آئی ءَ گوشت کہ اے رنگیں جوانیں کاروباری چست ءُ ایر آں چہ دیم ءَ دیمروئی کنگ ءِ آئی ءَ را موہ رستگ۔ آئی ءَ عثمان ڈار ءِ کلوہ ھم شنگ کتگ ایشی ءِ تہ ءَ آئی ءَ گوشت کہ من باز گل ءُ شات آں کہ ورنا وتی گوما ایندگر مردم آناں ھم مزوری دیگ ءَ انت۔ آئی ءَ گوشت کہ پاکستان ءَ جاب مارکیٹ ءَ ورنا آناں ھم رنگیں کمک ءُ کمکار پجاری کناں۔
