اسلام آباد۔7اگست (اے پی پی):پاکستان ءَ یانائیٹڈ نیشن ءِ سیکرٹری جنرل ءِ ترجمان ءِ نیمگ ءَ جموں کشمیر ءِ کشاں چیل ءُ یونائیٹڈ نیشن ءِ بن گپ ءِ منظوری ءَ را وش اتک کنان ءَ گوشت کہ اے گامگیج ءَ چہ جموں کشمیر ءِ کشاں چیل ءُ یونائیٹڈ نیشن ءِ بن گپ ءِ منظوری بوتگ۔ شمبے ءِ روچ ءَ درئی کارانی کارگس ءِ ترجمان زاہد حفیظ چوہدری ءَ یونائیٹڈ نیشن ءِ سیکرٹری جنرل ءِ ترجمان ءِ بیان ءِ رد ءَ وتی پسو ءَ گوشت کہ اے بیان ءَ چہ اے گپ ءِ تسدیک بیت کہ جموں کشمیر ءِ جیڈھ ءَ را یونائیٹڈ نیشن ءِ لیکہ “برجم انت” ءُ ایشی ءِ تہ اچ رنگیں مٹ ءُ بدلی نہ اتکگ۔ آءی ءَ گوشت کہ اے بیان جوانیں موہ ءَ جاڑی بوھگ وشیں گپ ات چیا کہ بھارت زوراکی ءَ دزگیر کنگ ءِ واکیہ 5 اگست 2019 ءَ یک نیمگی گامگیج ءَ را دو سال سرجم بوتگ، ایش یونائیٹڈ نیشن ءِ چارٹر ، یونائیٹڈ نیشن ءِ سلامتی کونسل ءِ منوگری ءُ چارمی جنیوا کنونشن ءَ ھوار میاں اوستمانی کانود آنی ھلاپ انت۔ آئی ءَ گوشت کہ گڈی ءَ بھارت ءَ را یونائیٹڈ نیشن ءِ منوگری آنی رد ءَ میاں اوستمانی برات آنی لیکہ آناں منگ کپ ایت۔
