اسلام آباد۔7اگست (اے پی پی):چیئرمین کشمیر کمیٹی شہریار خان آفریدی ءَ شمبے ءِ روچ ءَ مزن وزیر کارگس آزات کشمیر ءَ مزن وزیر آزات کشمیر عبدالقیوم نیازی ءَ گوں گند ءُ نند کت۔ شہر یار خان آفریدی ءَ سردار عبدالقیوم نیازی ءَ را وزارت ءِ سروکی ءِ سیٹ ءَ گرگ ءِ پد ءَ آرا مبارک بات دات، شہر یار خان آفریدی ءَ کشمیر ءِ پریمیئر لیگ ءِ کامیاتی ءَ گوں بنگیج ءِ پد ءَ مزن وزیر آزات کشمیر ءَ را مبارک بات دات۔ شہر یار آفریدی ءَ گوشت کہ مزن وزیر عمران خان کشمیر ءِ سفیر انت ءُ آئی ءَ تئی نامینگی ءَ چہ کشمیری آناں آئی راستیں گواچنی سروک داتگ۔ کشمیر پریمیئر لیگ ءِ بنگیج ءَ چہ کشمیری دود ءُ ربیدگ، راجدپتر ءُ کشمیری الس آنی زند ءِ گوازینگ ءِ دود ءُ ربیدگ آناں میاں اوستمانی نکشہ ءَ سہرائی بیت۔ آئی ءَ گوشت کہ کشمیر پریمیئر لیگ ءَ ر ا کامیات جوڑ کنگ ءِ ھاترا ھمک رنگیں جہد ءُ کوشست کنگ بیت۔ آئی ءَ گوشت کہ کشمیر ءِ دیمروئی ءُ السی جیڈھ آنی گیواری ءِ واست آ ھمک ساھت تیار ءُ ساڑی انت۔
