اسلام آباد۔7اگست (اے پی پی):وزرات سائنس ءُ ٹیکنالوجی ءَ پارلیمنٹ ءُ چاریں صوبائی اسمبلی آنی باسک آناں ای ووٹنگ شمین ءِ چار ءُ تپاسی گرگ ءِ پیسلہ کتگ۔ بنجاھی وزیر سائنس ءُ ٹیکنالوجی شبلی فراز ءَ شمبے ءِ روچ ءَ یک بیابے ءِ تہ ءَ گوشت کہ نوکیں الیکٹرانک ووٹنگ مشین دو شمبے راجی اسمبلی دیوان ءَ چہ پیسر پارلیمنٹ ءَ ایر کنگ بیت۔ آئی ءَ گوشت کہ پارلیمنٹ ءِ باسک آں جست ءُ آنی پسو ءِ واستہ کیوری باکس ایر کنگ بیت، چیئرمین سینیٹ ءَ سئے شمبے ءِ روچ ءَ الیکٹرانک ووٹنگ مشین ءِ چار ءُ تپاسی ءَ کنگ وھدیکہ چار شمبےءَ اسپیکر راجی اسمبلی الیکٹرانک ووٹنگ مشین ءِ چار ءُ تپاسی ءَ گپت۔ سینیٹر شبلی فراز ءَ گوشت کہ الیکٹرانک ووٹن مشین ءَ را چاریں صوبگ آنی صوبائی اسمبلی ءَ ایر کنگ بیت۔ پارلیمنٹ ءِ باسک آناں الیکٹرانک ووٹنگ مشین ءِ سر ءَ ووٹنگ کن انت، ای ووٹنگ ءِ ھوالگ ءَ باسک آنی شور ءُ مشور آنی سر ءَ چار ءُ تپاسی گرگ بیت۔ بنجاھی وزیر سائنس ءُ ٹیکنالوجی ءَ گوشت کہ مزن وزیر عمران خان ای ووٹنگ مشین ءِ چار ءُ تپاسی کتگ۔ ساپ ءُ سلہ ایں ووٹ ءِ واستہ گچین کاری ءِ واستہ نوکیں ٹیکنالوجی ءِ کارمردی وھد ءِ ضلورت انت۔ ای ووٹنگ گچین کاری سرجمیں گچین کاری کلچر مٹ ءُ بدلی ءُ ساپ ءُ سلہ ءِ رد ءَ انت۔ آئی ءَ گوشت کہ ای ووٹنگ مشین ءِ سر ءَ صدر ءِ مملکت ءُ مزن وزیر ءِ یک شلی ءَ سروکی کنگ ءِ پد ءَ شگر ءُ منت وار آں۔
