اسلام آباد۔6اگست (اے پی پی): مزن وزیر ءِ ھاسیں کمکار برائے راجی جان سلامتی ڈاکٹر فیصل سلطان ءَ گوشت کہ وزرت ءِ راجی جان سلامتی الس آنی سرپدی ءِ واستہ یکم اگست ءَ چہ 7 اگست ءَ تاں زھگ آنی واستہ مات ءِ شیر ءِ سیت ءُ نپ آنی ھپتگ ءَ برجم دارگ ءَ انت۔ آدینگ ءِ روچ ءَ وتی بیان ءَ آئی ءَ گوشت کہ نوک ودی بوتگیں زھگ آنی رودگ ءِ واستہ مات ءِ شیر باز جوان انت۔ آئی ءَ گوشت کہ سرجمیں دگنیا ءَ یکم اگس ءَ چہ 7 اگست ءَ تاں بریسٹ فیڈنگ ءِ ھپتگ برجم دارگ ءَ انت۔
آئی ءَ گوشت کہ قرآن مجید ءَ گوشگ بوتگ کہ مات دو سال ءَ تاں وتی زھگ ءَ شیر بوار این انت۔ ڈاکٹر فیصل سلطان ءَ گوشت کہ اولی شش ماہ ءَ تاں مات ءِ شیر نوک ودی بوتگیں زھگ ءَ را نادُراھی ءَ چہ رکھینگ بلکینگ ءَ زھگ ءِ رودوم ءِ باز ارزشتی انت۔ آئی ءَ گوشت کہ بریس فیڈنگ زھگ آنی گوما مات آنی جان سلامتی ءِ واستہ باز سیت مند انت۔
