اسلام آباد۔6اگست (اے پی پی):صدر مملکت ڈاکٹر عارف علوی ءَ ناروے ءُ پاکستان ءِ نیام ءَ اقتصادی ءُ دود ءُ ربیدگی یکوئی آناں ودینگ ءِ ضلورت ءِ سر ءَ زور پردات ءُ گوشت کہ ناروے سرمایہ کاری، تجارت ءُ دیمروئی کمک آنی واستہ پاکستان ءِ مھکمیں شریکداری انت۔ اے ھیالانی درشانی آئی ءَ پاکستان ءَ ناروے ءِ دزکش بوھوکیں سفیر کیجل گنارایرکسن ءَ گوں تران کنان ءَ کت آئی ءَ آدینگ ءِ روچ ءَ آئی ءَ گوں گند ءُ نند کت۔ صدر ءِ مملکت ڈاکٹر عارف علوی ءَ گوشت کہ پاکستان ءُ ناروے ءِ وت مہ وتی تپاکی ءِ واستہ تجاری ءُ اقتصادی کمک آناں گیش ودینگ ءِ امیت است انت۔ آءی ءَ گوشت کہ ناروے سرمایہ کاری، تجارت ءُ دیمروئی کمک آنی واستہ پاکستان ءِ مھکمیں شریکدار انت۔ آئی ءَ گوشت کہ پاکستان ءَ ٹوھیں کساس ءَ ناروے ءِ کمپنی آنی استی دوئیں ملک آنی گیش بوھوکیں تجارتی یکوئی آنی سہرائیں درور انت۔ سکھر ءَ سولر پلانٹ ءِ جوڑیشت ءِ واستہ نظام انرجی ءُ نارویجن سکیٹک سولر ءِ نیام ءَ شریکداری پازیٹیو دیمروئی ات۔ آئی ءَ گوشت کہ منصوبگ ءَ چہ ناروے ءِ سرمایہ کار آناں پاکستان ءِ کاروبار دوستیں ایٹماسپیئر ءَ چہ سیت چست کنگ ءِ ھیل کاری ر سیت۔
