اسلام آباد۔6اگست (اے پی پی): سرجمیں ملک ءِ وڑ ءَ اسلام آباد ءَ ھم جشن آزاتی ءِ تیاری بندات بوتگ انت۔ بازار آنی جاھ جاھ ءَ راجی بیرک ءِ اسٹالز سجائینگ بوتگ انت۔ سرجمیں شہر ءَ جشن آزاتی ءِ ھوالگ ءَ پاکستانی بیرک ءُ ایندگر سینگاری سامان آنی بھا ءِ واستہ سد آنی کساس ءَ گیش اسٹال جوڑ کنگ بوتگ انت۔ 14 اگست نزیک پیداک انت ءُ ماتیں وطن ءِ دوستی ءَ کسانیں گونڈل ءُ پیریں ، ورنا آں ھوار چاگرد ءِ ھمک پڑ ءَ گوں سیادی داروک اے اسٹال آں رونت ءُ دوتی دل دوستیں سینگاری سامان بھا زورگ انت۔ اے اسٹال آں شرٹس ، بیرک والا ٹاسین، پٹاسک، ءَ ھوار وڑ وڑیں لیبوک ءُ سُرنا است انت۔ زندگیں راج وتی راجی وشیں روچاں گوں گل ءُ شاتی ءَ گوں برجمین انت۔ ماہ ءِ اگست ءِ بندات ءَ چہ سبزیں بیرک ھم جاہ زین زیریت۔ سبزیں بیرک ءِ درنجگ ءَ چہ سہرا بیت کہ جاور توری ھرچ وڑیں بہ بنت راج وتی ماتیں وطن ءِ دوستی ءِ گوما یکوئی ءِ درشان ءَ اچبر پشت کنز نہ بیت۔
