اسلام آباد۔6اگست (اے پی پی): وزیر ءِ تہی کار شیخ رشید احمد ءَ گوشت کہ مندر ءِ بے شرپ کنگ ءِ واکیہ ءَ گوں دست مانجیں مردم آناں گرگ ءِ واستہ صوبائی حکومت ءِ گوما کمک کنگ ءَ آں۔ آدینگ ءِ روچ ءَ وزارت ءِ تہی کار ءِ نیمگ ءَ جاڑی بوتگیں بیان ءِ رد ءَ رحیم یار خان ءَ ہندو مندر ءِ بے شرپ کنگ ءِ واکیہ ءَ را مذمت کتگ ءُ آئی ءَ مندر ءِ بے شرپ کنگ ءِ واکیہ ءَ گوں دست مانجیں مردم آنی گرگ ءِ واستہ صوبائی حکومت ءِ کمک ءَ کنگ ءَ آں۔ کینگ ءَ را دمینوکیں مردم آنی ھلاپ ءَ کاروائی بیت۔ وزیر ءِ تہی کار ءَ گوشت کہ ملک ءَ توامیں نیک راھی گور آنی رکھینگ ءَ را دل یکیمی جوڑ کناں۔ ہندو مندر ءِ بے شرپ کنگ ءِ واکیہ لائک ءِ مذمت ءُ اپسوزی انت۔ آئی ءَ گوشت کہ اے رنگیں واکیہ سرجمیں دگنیا ءَ اسلام ءُ پاکستان ءِ بدنامی ءِ سبب جوڑ بنت۔ کجام ھم دومی نیک راھی عبادت ءِ جاہ آنی بے شرپی اسلام ءِ داتگیں زانشت آں چہ ڈن انت۔
