اسلام آباد۔6اگست (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ رحیم یار خان ءَ گنیش مندر واکیہ ءِ مذمت گران ءَ گوشت کہ گنیش مندر ءَ را یک ٹولی ءَ تاوان دیگ ءِ کوشست کتگ۔ ہندو برات آنی واھگ آناں ڈگار جنوک آناں سزا بہ رس ایت، پاکستان ہندوستان نہ انت، ادا فاشسٹ آئیڈیا لوجی سروکی کت نہ کنت، پاکستان ءِ بیرک ءَ استیں دوئیں رنگ آنی شرپ مئے سر ءَ المی انت۔ آدینگ ءِ روچ ءَ رحیم یار خان ءَ گنیش مندر واکیہ ءِ بابت ءَ تران کنان ءَ بنجاھی وزیر اھوالکاری ءُ شنگ کاری ءَ گوشت کہ مزن وزیر ءُ چیف جسٹس آف پاکستان ءَ اے جیڈھ ءَ را زاتی رنگ ءَ نوٹس زرتگ۔ آئی ءَ سہرا کتگ کہ پاکستان ءِ بیرک ءَ دوئیں رنگ آنی شرپ مئے سر ءَ فرض انت۔ مئے سر ءَ اسپیتیں رنگ ءِ شرپ ھمینچو است انت ھمینچو سبز رنگ ایگ انت۔ اسپیتیں رنگ پاکستان ءَ نندوکیں گور آںی ھک آنی پجاروکی ءَ کنگ۔ چوہدری فواد حسین ءَ گوشت کہ مزن وزیر پاکستان، سیاسی اُردی سروک ءُ آمید گس ءَ یک دیمروئی کنوکیں ملک ءِ واستہ پاکستان ءِ اے آئین ءَ ر ا من ایت ھمائی تہ ءَ گور آنی ھک آںی رکھینگ ءِ سوگند کنگ بوتگ۔ آئی ءَ گوشت کہ مارا پاکستانی برات آناں نسل، رنگ یا ایمان ءِ بنیات ءَ نشانگ بندوک آنی ھلاپ ءَ اوشتگ لوٹ ایت۔ بنجاھی وزیر اھوالکاری ءُ شنگ کاری ءَ گوشت کہ انشاء اللہ پاکستان ءِ آیوکیں باندات یک انچیں دیمروئی کنوکیں ملک ات ھمودا گور سرجمیں رنگ ءَ بہ رکھ انت۔
