اسلام آباد۔6اگست (اے پی پی): وزیر ءِ کشمیر ءِ کار گلگت بلتستان علی امین گنڈا پور ءَ گوں پاکستان ءِ تر ءُ تاب ءَ اتکگیں او آئی سی ءِ بنی آدمی ھک آنی پھریزوکیں ڈل ءَ گوں گند ءُ نند کت۔ گند ءُ نند ءَ پڑے ھواریں سیکورٹی جاور ھال ھاسیں رنگ ءَ بھارت ءِ گیر کانودی رنگ ءَ کشمیری کودکیں مردم آنی ھک آنی بابت ءَ جاور ھال آںی سر ءَ چار ءُ تپاسی گرگ بوت۔ ادا جاڑیگیں پریس ریلیز ءِ رد ءَ وزیر ءِ کشمیری کار ءَ گوشت کہ مقبوضہ کشمیر ءَ بھارتی گیر کانودی ءُ یک نیمگی گامگیج آناں دو سال سرجم بوتگ۔ اے موہ ءِ سر ءَ او آئی سی ءِ بنی آدم ھک آنی کمیشن ءِ تر ءُ تاب ءِ ارزشت سک باز المی انت۔ علی امین گنڈا پور ءَ گوشت کہ بھارت مقبوضہ کشمیر ءَ بنی آدمی ھک آناں لگت مال کنگ ءَ انت، بھارت ءَ میاں اوستمانی ھک آنی ادارگ ءُ میڈیا ءِ مقبوضہ کشمیر ءَ بند کتگ۔ 5 اگست 2019 ءِ گامگیج مقبوضہ کشمیر ءِ ڈیمو گرافی ءَ را مٹ کنگ انت۔ علی امین گنڈا پور ءَ گوشت کہ پاکستان ءَ گوں بندوک بوھگ المی انت۔ پاکستان ءَ مُدام کشمیر ءِ جیڈھ ءَ را یونائیٹڈ نیشن ءِ منوگر آنی رد ءَ گیوار کنگ ءِ ھوالگ ءَ زور پر داتگ۔ مزن وزیر عمران خان ءَ کشمیر ءِ ھک آنی گوانک ءَ را سرجمیں دگنیا ءَ توامیں فورمز آنی سر ءَ سہرا کتگ۔
