اسلام آباد۔5اگست (اے پی پی): مزن وزیر ءِ ھاسیں کمکار برائے ورنا آنی کار عثمان ڈار ءَ گوشت کہ کامیات ورنا پروگرام ورنا آناں وت مستر جوڑ کنگ ءُ روزگار ءِ پجاری ءَ کمکار سہرا بیت، منصوبگ ءِ وسیلگ ءَ ہزارانی ورنا وتی زاتی کاروبار ءُ روزگار ءِ موہ در جتگ، پروگرام ءَ میرٹ ءُ ساپ ءُ سلہئی ءِ رد ءَ اچ رنگ ءَ کم ءُ گیشی بوت نہ کنت۔ اے ھیالانی درشانی آئی ءَ پاکستان ءَ نندوکیں آئی ایم ایف ءِ نماھندگ ٹریسا ڈبن سنچے ءَ گوں گند ءُ نند ءَ کت آئی ءَ پنچ شمبے ءِ روچ ءَ آئی ءَ گوں گند ءُ نند کت۔ گند ءُ نند ءِ ساھت ءَ کامیات ورنا پروگرام ءِ وسیلگ ءَ ورنا آنی وام دیگ ءُ بھر ءُ بانگ کنگ ءِ کار آنی سر ءَ چار ءُ بچار کنگ بوت۔ سروک کامیات ورنا پروگرام آں منصوبگ ءِ ڈیجیٹل ڈیش بورڈ ءِ سر ءَ بریفنگ ھم دات۔ ا ے موہ ءِ سر ءَ آئی ایم ایف ءِ نماھندگ ءَ پاکستان ءَ جاڑیگیں کامیات ورنا پروگرام ءِ سر ءَ دل یکیمی ءِ درشان کت۔ ٹریساڈبن ءَ بزگریں ءُ ازمکاریں ورنا آناں وام دیگ ءِ اسکیم ءِ ھوالگ ءَ مالوم داری آنی شنگ ءُ تالان کنگ ءِ ارزشت ءِ ھوالگ ءَ زور پر دات۔
