اسلام آباد۔5اگست (اے پی پی):چیئرمین سینیٹ محمد صادق سنجرانی ءِ داتگیں دعوت ءِپد ءَ عرب پارلیمنٹ ءِ صدر عادل بند عبدالرحمن العسومی پنچ روچی تر ءُ تاب ءِ سرجم کنگ ءَ پد وطن ءَ واتر روادگ بوت۔ عرب پارلیمنٹ ڈل ءَ ملک ءِ مستر عارف علوی، مزن وزیر عمران خان ، چیئرمین سینیٹ محمد صادق سنجرانی ءُ ایندگر کارندہ آنی گوما گند ءُ ند کت۔ ادرگ آنی وت مہ وتی کمک آنی دیمروئی ءِ واستہ عرب پارلیمنٹ ءُ پاکستان ءِ ایوان ءِ بالا ءِ نیام ءَ وت مہ وتی منوگری یاتگیر آنی سر ءَ دست چنگل جنگ بوت۔ پارلیمانی ڈل ءَ را سینیٹر برائے مہمان داری ثنا جمالی ءَ ایئر پورٹ ءِ سر ءَ گڈ بائی کت۔ وتی روادگ ءِ موہ ءَ صدر پارلیمنٹ ءَ گوشت کہ تر ءُ تاب سک باز سیت مند بوتگ۔ گند ءُ نند ءِ پازیٹیو آسر دیم ءَ کاینت۔ صدر، مزن وزیر ، چیرمین سینٰت ءُ ایندگر آنی شگر ءُ منت ءَ گراں۔ اے موہءِ سر ءَ سینیٹر مہمان داسری ثنا جمالی ءَ گوشت کہ عرب پارلیمنٹ یک ارزشتی ایں فورم ات۔ دو نیمگی یکوئی ءُ وت مہ وتی روگ ءُ آیگ آنی گیشی ءِ واستہ کشک ءَ را ساپ ءُ سلہ کنگ مئے یکجائی مول ءُ مراد انت۔
