کشمیر  ءِ واستہ ما چا جنگ کتگ، دومی  ٹوھیں جنگ ءَ چہ  پد اچ راج ءِ  ھوار کنگ ءِ واستہ انچو کوشست نہ بوتگ اینکیاس کہ انوں بوھگ ءَ انت، پاکستان  اچبر کشمیر کاز ءَ چہ پشت کنز نہ بیت،  چوہدری فواد حسین 

اسلام آباد۔5اگست  (اے پی پی):بنجاھی وزیر اھوالکاری ءُ شنگ کاری فواد حسین ءَ گوشت کہ ما کشمیر ءِ واستہ  چار جنگ کتگ، دومی ٹوھیں جنگ ءَ چہ پد اچ راج ءِ  ھور کنگ ءِ واستہ انچو کوشست نہ بوتگ اینکیاس کہ انوں بوھگ ءَ انت۔ بھارت ءِ فاشسٹ حکومت کشمیری آنی ھک آناں لگت مال کنگ ءَ انت، پاکستان اچبر کشمیر کاز ءَ چہ  پشت کنز نہ بیت، پاکستان  ءِ ھمک مردم کشمیری آنی گوما اوشتاتیت۔ پنچ شمبے ءِ روچ  ءَ پارلیمنٹ گس ءِ ڈن ءَ کشمیر ءِ  آوار جنگ ءِ  روچ ءِ درگت ءَ  درکپتگیں ریلی ءَ گوں گشتانک دیان ءَ بنجاھی وزیر  چوہدری فواد حسین ءَ  گوشت کہ کشمیری الس مئے جسم ءِ بھر انت، مئے دل کشمیری الس آنی گوما   ءُ  آوانی دل مئے دل ءِ گوما درکیت۔  کشمیری  آنی گوما مئے سیاد ءُ وارسی، ءُ ھاندان ءِ بھر انت۔ ما کشمیر ءِ واستہ وتی جان آنی قربانی داتگ، ما کشمیر ءِواستہ  وتی مال  جان  ءِ قربانی داتگ۔  آئی ءَ گوشت کہ مرچی ما مقبوضہ کشمیر ءِ  الس ءَ را کلوہ داتگ کہ پاکستان دگنیا ءِ پنچمی ٹوھیں ھاٹیگ ءِ پشت ءَ اوشتاتگ۔  چوہدری فواد حسین ءَ گوشت کہ پاکستان اچبر کشمیر کاز ءَ چہ پشت کنز نہ بیت، پاکستان ءِ ھمک مردم کشمیر آنی گوما  ھمگام انت ءُ ھمگام بیت۔