کوئٹہ۔5اگست (اے پی پی):گورنر بلوچستان سید ظہور احمد آغا ءَگشتگ کہ پنچ اگست ءَ یوم اتحصال ءِ موہ ءَ روانک در کنگ ءِ مول ءُ مراد وتی کشمیری براتانی جدوجہد ءِ ہمراہ داری کنگ اِنت، مزن وزیر عمران خان ءَ اقوام متحدہ ءَ ہوار سرجمیں دنیا ءِ زمہ واریں فورم ءِ سرءَ کشمیر ءِ جیڑہ ءَ را سرجمی ءَ چست کتگ۔ ضلوری اِنت کہ میاں اوستمانی کمیونٹی ءِ دلگوشی ءَ را گوں کشمیر ءِ نیمگ ءَکنگ لوٹ ایت۔ اے ھیالانی درشانی آئی ءَ پنچ شمبے ءِ روچءَ کشمیر ءِ استحصال ءِ روچءَ کشمیر ءِہوالگ ءَ چہ روانک درکنگ بوتگ۔ اے روانک زرغون روڈ گورنر ہاؤس ءَ چہ بندات بوتگ ء ُ شہید فیاض سنبل چوک ءَ ہلاس بوتگ۔ اے روانک ءِسروکی بلوچستان ء ِ گورنر سید ظہور احمد آغا کنگ ءَ بوتگ۔ روانک ءَ تہی کارانی صوبائی وزیرمیر ضیاء لانگو، سیکٹر یونیورسٹیز ءِ وائس چانسلر ءُ چیف سیکرٹری بلوچستان مطہر نیاز رانا ءَ ہوار ایندگہ بازیں مردم ہوار بوتگ۔ گورنر سید ظہور احمد آغا ءَ گشتگ کہ بھارت ءِ نیمگ ءَ چہ غیر قانودی قبضہ کنگ ءُ بھارتی آئین ءِ آرٹیکل 370 ءُ اے۔35 ءِ ہلاس کنگ سرجمیں قانود ءِ ھلاپ ورزی اِنت۔ گورنر سید احمد آغا ءَ گشتگ کہ اقوام متحدہ ءِ تپاک نامہ آنی ردءَ کشمیری اُلس ءَ را آجوہی دیئگ لوٹ ایت۔
