اسلام آباد۔4اگست (اے پی پی): ملک مستر ڈاکٹر عارف علوی ءَ ضلع کرم ءَ آپریشن ءِ وہد ءَ شہید بوتگیں پاک فوج ءِ ورناہ آنی حانداناں گوں گپء ُتران کتگ ء ُ گوں آیاں ہمدردی ءِدرشانی کتگ۔چارشمبےءِ روچءَ ایوان صدر ءِپریس رنگ ءَ چہ جاری بیان ءِردءَ ملک مستر ءَ شہیدآنی حانداناں گوں ٹیلی فون کتگ ءُ گپءُ تران کتگ۔ ملک مستر ءَ کیپٹن باسط علی ءُ سپاہی حضرت بلال ءِ حاندان ءَ گوں گپ ء ُ تران کتگ۔ ملک مستر ءَ پسنی ءَ شہید بوتگیں کیپٹن عفان مسعود ءِ حاندان ءَ گوں گپ ءُتران ہم کتگ۔ ملک مستر ءَ شہید ءِ ازمتاناں داد ءُ سلام پیش کتگء ُ حاندان ءِ ھاترءَ سگ ء ُ اوپار ءِدعا کتگ۔
