اسلام آباد۔ 04اگست (اے پی پی) چیئرمین سینیٹ محمد صادق سنجرانی ایران نا صدر نا سوغندی دود اٹی بشخ ہلنگ کن اِرادے ئی دورہ غا ایران آ روانہ مس۔ چارشنبے نادے آ سینیٹ سیکرٹریٹ نا رداٹ چیئرمین سینیٹ خصوصی جہاز انا کمک اٹ مشہد آ سرمریک۔ محمد صادق سنجرانی روزہ حضرت امام رضاغا حاضری ہم ایتک۔ چیئرمین سینیٹ ایران نا صدر نا سوغندی دود اٹی پاکستان نا نمائندگی ءِ کیک۔ صدر تون اوار ایلو بڑزکو سیاسی سرکڑدہ غاتون بڑزکو کہولی اوڑدہی تا گمان ءِ۔ سینیٹرز دلاورخان، احمد خان، عبدالقادر آن بیدس سینیٹ نا سینئر آفیسر آک ہم چیئرمین سینیٹ تون اوار ءُ۔ 5اگست 2021ء آ چیئرمین سینیٹ ایران آن پدی بریک۔ 

متعلقہ مضامینمصنف کی طرف سے مزید