اسلام آباد۔4اگست (اے پی پی):مزن وزیر عمران خان ءَ گوشت کہ چاگرد ءِ ساپ ءُ سلہ کنگ حکومت ءِ اولی ترجی انت، درآمدی پلاسٹک آنی سر ءَ گُزارا ءَ را کم کنگ ءِ واستہ ٹوھیں منصوبگ جوڑ کنگ بہ بیت، چین ءِ پلاسٹک ءِ درآمد ءِ سر ءَ پابندی ءِ پالیشی ءَ را چار ءُ بچار کنگ بیت۔ چار شمبے ءِ روچ ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءِ سروکی ءَ ملک ءَ ویسٹ منیجمنٹ ءِ ھوالگ ءَ دیوان ءِ برجم دارگ بوت۔ دیوان ءَ ملک امین اسلم ءُ کلانہ ایں کارندہ آں بھر زوری کت۔ اے موہ ءِ سر ءَ دیوان ءَ را بریفنگ دیان ءَ گوشت کہ پاکستان ءَ ھمک سال 30 ملین میٹرک ٹن ویسٹ میونسپل تک ءَ پیداک بیت، کچرا آنی تہ ءَ پلاسٹکک ءِ 10 ءَ بگر تاں 14 درسد ات ءُ سال 2025 ءَ تاں ایشی ءِ کچ ءُ کساس دو سرئی بیت۔ بریفنگ ءَ گوشت کہ کہ سال 2020 ءَ پیداک بوھوکیں 3.9 ملین ٹن پلاسٹک ویسٹ ءَ چہ ایوک ءَ 30 سدر ری سائیکل بیت۔ پاکستان ءَ گوستگیں مالی سال 2.4 ارب کلدار ءِ 35651 پلاسٹک درآمد کت۔ اے موہ ءِ سر ءَ مزن وزیر ءَ گوشت کہ چاگرد ءِ ساپ ءُ سلہ کنگ حکومت ءِ اولی کار آنی تہ ءَ ھوار انت۔ مزن وزیر ءَ پنت ءُ شون کت کہ درآمدی پلاسٹک ءِ کارمرزی ءَ را کم کنگ ءِ واستہ ٹوھیں پلان رد ءُ بند کنگ بہ بیت۔ اے رد ءَ چین ءِ پلاسٹک ءِ درآمدد کنگ ءِ پالیشی ءِ سر ءَ چار ءُ تپاسی کنگ بیت۔
