پشاور۔4اگست (اے پی پی):خیبر پختونخوا ءَ بلین ٹری سونامی ءِ چیر دستی ءَ جوانیں رنگ ءَ کشت ءُ کشاری گامگیج جاڑی انت، کجام ھم ملک ءِ 25 درسد ھد ءُ ابید جنگل بوھگ المی انت، بلین ٹری سونامی منصوبگ سرجمیں دگنیا ءَ پاکستنا ءِ پجار جوڑ بوتگ، میاں اوستمانی ادارگ اے منصوبگ ءَ را ساڑاتگ۔ دھ بلین ٹری سونامی منصوبگ سرجمیں دگنیا ءَ پاکستان ءِ پجار جوڑ بوتگ، میاں اوستمانی ادارگ آں اے منصوبگ ءَ ساڑاتگ۔ دھ بلین ٹری منصوبگ ءَ چہ جنگل آنی پیداوار ءِ تہ ءَ یک شل ءَ گیشی بوھگ ءَ انت ءُ روزگار ءِ نوکیں موہ پیداک بوھگ ءَ انت، خیبر پختوںخوا ءَ بلین ٹری سونامی منصوبگ ءِ بنگیج 2015 ءَ تحریک انصاف ءِ سروک عمران خان ءَ کتگ بوتگ۔
محکمہ جنگلات خیبر پختونخوا ءِ رد ءَ دھ بلین ٹری سونامی پراجیکٹ مزن وزیر عمران خان ءِ ویژن ءِ رد ءَ ملک ءَ جنگل آنی رکھینگ ءِ گوما سیل ءُ سواد ءِ پڑ ءَ را دیمروئی ءُ گرین روزگار ءِ پجاری ءِ نیمگ ءَ ٹوھیں گام ات، کدررتی ایٹماسپیئر ءِ رکھینگ ءُ دیمروئی ءِ ھوالگ ءَ سیاسی جزم است انت، اے کوشست آنی نتیجگ ءَ آیوکیں باندات ءِ واستہ ملک ءَ جوانیں ایٹماپیئر ءِ پجارینگ ءَ کمک رسیت۔ مزن وزیر عمران خان ءِ سروکی ءَ استیں حکومت کدرتی ایٹماسپیئر ءِ دیمروئی ءِ ھوالگ ءَ پکو انت، ٹمبر مافیا ءُ درچک آنی گیر کانودی رنگ ءَ گُڈگ ، اے کار ءَ گوں دست مانجنیں مردم آناں مکن کنگ بیت ، جنگل آنی ترندی ءَ گوں مانیٹرنگ کنگ بوھگ ءَ انت، تاوان دیوک آںی ھلاپ ءَ فاریسٹ ایکٹ ءِ چیر دستی ءَ کاروائی کنگ بوھگ ءَ انت۔
موسمی مٹ ءُ بدلی ءِ اثر آں چہ رکھگ ءُ ایشانی تہ ءَ کمی آرگ ءِ کوشست ءِ رد ءَ جنگل آنی رکھینگ ءِ واستہ ٹمبر مافیا ءِ ھلاپ ءَ پیسر ءَ چہ کاروائی کنگ بوھگ ءَ انت، حکومت ءَ سد سال ءَ چہ گیش امبر ءِ کدیمیں درچک آناں راجی مڈی نامینگ ءِ پیسلہ کتگ، نوکیں درچک ءُ پُل کشگ ءُ پیسر ءَ چہ استیں کوھنیں درچک آنی رکھینگ ناں ایوک ءَ حکومت ءِ زمہ واری انت بلکینگ ءَ اے ھوالگ ءَ ھمک شہر آناں وتی وتی کرد ءَ را پیلو کنگ ءِ ضلورت انت۔ حکومت 2023 ءَ تاں سرجمیں ملک ءَ 10 ارب درچک کشگ ءِ واستہ جزمیگ انت، اے منصوبگ گیم چینجر ءِ سہرا بیت۔ حکومت ءِ گرین سٹیمولس پروگرام ملک ءِ سر سبزیں سر ڈگار ءَ را ودینگ ءِ گوما کورونا ءِ ھوپپ ءِ ساھت ءَ ورنا آنی واستہ روزگار ءِ موہ پیداک کنگ ءِ کوشست ھم بھر انت۔
پاکستان ءَ را جنگل آنی گڈگ ءُ موسمی مٹ ءُ بدلی ءِ جیڈھ آنی گوما دیم پہ دیمی انت، پاکستان ھمک سال کساس 27000 ہیکٹرز جنگل ءَ چہ زبھر بوھگ ءَ انت، درچک کشگ ءَ را دیمروئی دیان ءَ کدرتی جنگل آنی گڈگ ءَ را گر ءُ دار کنگ بوت کنت، ءُ گیش کشت ءُ کشار ءَ چہ رسوکیں دار آناں ناں ایوک ءَ ھندی آباتی ءِ ضلورت ءَ را پیلو کت کنت بلکینگ ءَ انڈسٹریز ءُ انفراسٹرکچر ءَ را ھم گہتر جوڑ کنگ بوت کنت۔
بلیٹ ٹری ایفرسٹریشن پراجیکٹ ءِ پلاننگ اینڈ مانیٹرنگ آفیسر محمد ابراہیم خان ءَ “اے پی پی ” ءَ را گوشت کہ ھوار بوھوکیں دمگ خیبر پختوںخوا ءَ 10 بلین ٹری ایفرسٹریشن پراجیکٹ ءِ سر ءَ کار ءَ کامیاتی ءِ گوما جاڑی انت ءُ 30 جون ءَ تاں صوبگ ءَ 394 ملین درچک کشتگ انت۔
آئی ءَ گوشت کہ پراجیکٹ ءِ چیر دستی ءَ 6250 جنگل انکلوشرز جوڑ انت، 111314 ہیکٹر زمین ءِ سر ءَ درچک کشگ 25600 ہیکٹر ءِ سر ءَ بوائی ءُ ڈبلنگ ھم کنگ بوتگ ءُ 5000 ہیکٹر ءِ سر ءَ ریکج مینجمنٹ ءَ ابید 199900 ملین درچک 2800 ملین درچک مپت ءَ بھر ءُ بانگ کنگ بوتگ۔ ھمے رنگ ءَ دھکان ، سرکاری محکمہ ءُ لس مھلوک ءَ را درچک ءُ 30 لکھ سینگاری پُؒ بھر ءُ بانگ کنگ بوتگ۔ آئی ءَ گوشت کہ بلینٹ ٹری ایفرسٹریشن منصوبگ ءَ را چین ، بھارت ءُ ایتھوپیا ءَ چہ پد دگنیا ءِ چارمی درستاں چہ مستریں درچک آںی کشت ءُ کشار ءِ گامگیج نامینگ بوتگ۔
آئی ءَ گوشت کہ الس ءَ گوں اپیل انت کہ آ ناں ایوک ءَ گیشاں چہ گیش نوکیں پُل بہ کش انت بلکینگ ءَ ایشانی رودگ ءُ چار ءُ گزار ءَ را ھم دل یکیمی جوڑ بکن انت تانکہ میاں اوستمانی رد ءَ گوں ترندی ءَ مٹ بوھوکیں موسمی مٹ ءُ بدلی آنی گر ءُ دار بوت بہ کنت۔ خیبر پختونخوا ءِ وزیر ءِ کشت ءُ کشار، لائیو سٹاک ءُ فشریز محب اللہ خان ءَ گوشت کہ آیوکیں باھند آںی باندات ءِ رکھینگ ءِ واستہ جنگل آنی رکھینگ ءُ درچک کشگ المی انت۔ جنگل آنی رکھینگ مئے درستانی زمہ واری انت جنگل آنی ھلاسی بنی آدمی زندمان آنی واستہ باز ترسناک انت اگاں جنگل ھلاس بوت انت گڈاس زمین ویرانگ بنت ءُ 20 سال ءَ چہ پد آپ ءِ امبار ھلاس بنت صوبہ خیبر پختوںخوا ءَ بلین ٹری سونامی ءِ چیر دستی ءَ جوانیں رنگ ءَ جنگل کشگ بوھگ ءَ انت۔
آئی ءَ گوشت کہ ھمک ملک ءِ 25 درسد زمین ءِ سر ءَ جنگل بوھگ المی انت ءُ اے بنی آدمی زندمان ءِ واستہ المی بھر انت اگاں جنگل نہ بت گڈا ایشی ءَ چہ زمین ویرانگ بیت ءُ آپ ءِ امبار ھم ھلاس بیت پمے ھاترا اے ھوالگ ءَ مارا پکوئیں گامگیج کنگ لوٹ ایت تانکہ آیوکیں باھند آنی باندات محفوظ بہ بیت۔
