اسلام آباد۔ 03اگست (اے پی پی) چیئرمین سینیٹ محمد صادق سنجرانی ایران نا صدر نا سوغندی دود اٹی بشخ ہلنگ کن اِرادے ئی دورہ غا (پگہ) چارشنبے نادے آ ایران آ روانہ مریک۔ سینیٹ سیکرٹریٹ نا رداٹ چیئرمین سینیٹ خصوصی جہاز انا کمک اٹ مشہد آ سرمریک۔ محمد صادق سنجرانی روزہ حضرت امام رضانا مزار آ حاضری ہم ایتک۔ چیئرمین سینیٹ ایران نا صدر نا سوغندی دود اٹی پاکستان نا نمائندگی ءِ کیک۔ وزیراعظم پاکستان عمران خان پاکستان نا نمائندگی کن چیئرمین سینیٹ ءِ پن کرینے۔ چیئرمین سینیٹ نا ایران نا صدر تون اوار ایلو بڑزکو سیاسی سرکڑدہ غاتون بڑزکو کہولی اوڑدہی تا گمان ءِ۔ 5اگست آ چیئرمین سینیٹ ایران آن وطن آ پدی بریک۔

متعلقہ مضامینمصنف کی طرف سے مزید