مظفرآباد۔ 03اگست (اے پی پی) اسپیکر آزاد کشمیر کانود ساز اسمبلی شاہ غلام قادر پوسکن گچین مروک آ اسمبلی نا باسک آتیان سے شنبے نادے آ اڈ ہلوک آ دیوان اٹی سوغند ہلک۔ اسپیکر 53پوسکن گچین مروک آ اسمبلی نا باسک آتیان 49اسمبلی نا باسک آتیان سوغند ہلک وخت اس کہ پی پی پی نا پوسکن گچین مروک آ اسمبلی نا باسک چوہدری محمد یاسین، آل جموں و کشمیر نا مسکوہی صدر و وزیراعظم آزاد کشمیر سردار عتیق احمد خان دیوان اٹی بشخ ہلتوس وخت اس کہ پی پی پی نا پوسکن گچین مروک آ اومیتدار جاوید بڈھانوی کورونا دین آن زہمی مننگ نا سوب آن دیوان اٹی بشخ ہلنگ کتو۔ آزاد کشمیر کانود ساز اسمبلی نا دیوان سے شنبے نادے آ اسپیکر کانود ساز اسمبلی شاہ غلام قادر نا کماشی ٹی تلاوت کلام پاک آن بناکرے۔ دیوان نا بناٹی سیکرٹری کانود سازاسمبلی پوسکن گچین مروک آ اسمبلی نا باسک آتا سرسہبی نا نوٹیفکیشن ءِ خوانسا بنفے۔ داکان بیدس اسپیکر و ڈپٹی اسپیکر کانود ساز اسمبلی نا گچینی کن پی ٹی آئی، پی پی پی و ن لیگ نا کنڈآن پندار کاغدآتے جمع کرفنگا۔ پی ٹی آئی نا کنڈآن اسپیکر کن چوہدری انوارالحق و ڈپٹی اسپیکر کن چوہدری ریاض گجر پندار کاغد جمع کرفیر وخت اس کہ اپوزیشن نا کنڈآن پی پی پی و ن لیگ نا اسیجائی اومیتدار ہرافتے ٹی اسپیکر شپ اکن پی پی پی نا کنڈآن فیصل راٹھور و ڈپٹی اسپیکرن لیگ نا زالبول باسک اسمبلی نثاراں عباسی ئسک پندار کاغد جمع کرفیر۔
