کوئٹہ۔ 03اگست (اے پی پی) صدر مملکت ڈاکٹر عارف علوی پارینے کہ پاک چین اقتصادی راہداری نا بابت گوادر ءِ خاص اہمیت دوئی ءِ، جغرافیائی بابت آن بلوچستان سینٹرل ایشیااسکان رسینگ نا گچین ءُ ذریعہ اسے ہراڑآن نیامی ایشیائی ملک آتون زرگزرانی و واپاری وارخواہی تے ودفنگ نا روشنا گمان ارے۔ صدر مملکت پارے کہ سی پیک نا رداٹ ننے پوسکن آ چین ءِ پوسکن ءُ کسب ہیل تننگ آ چکارکروئی مریک۔ داخیال آتا درشانی ءِ او سے شنبے نادے آ گورنر ہاؤس کوئٹہ ٹی پارلیمنٹرینز آتون گپ وتران کرسا کرے۔ داوخت آ گورنر بلوچستان سید ظہور احمد آغا و وزیراعلیٰ جام کمال خان ئسک ہم ساڑی ئسر۔ ایوان صدر نا میڈیا ونگ انا رداٹ اوڑدہی ٹی صوبہ نا جم امن و ایمنی حالیت، برجا شونداری ڈٹ، سیمی واپار، بارڈر مارکیٹ آتا قیام، لینڈ ڈیجٹلائزیشن مینجمنٹ، پوسکن آ لیبرکانود، صوبہ ٹی سیل و سوات نا مون آ دننگ و ڈیہہ ٹی پیش بروک آ زرگزرانی و سیاسی بدلی تیا سرجم گپ وتران مس۔ پارلیمنٹرینز آتون گپ وتران کرسا صدر مملکت پارے کہ بلوچستان اٹی کشت وکشار، ماہی گیری و لائیو اسٹاک نا شونداری نا پبی وارخواہی ساڑی ءِ۔ گرج داہیت انا ءِ کہ نن سہی سمت اٹ گام گیج کین و دوئی وسیلہ غاتا محتاط کاریم اٹ اتنگ ءِ پک کننگے۔
