اسلام آباد۔3اگست  (اے پی پی):بلوچستان حکومت ءَ گوادر شہر ء ُ دھکہ آناں سواڈیم ءَ چہ ہمک روچی 5 ملین گیلن آپ سرکنگ ءِ ھاترءَ 67 کلومیٹر  پائپ لائن چیرگیجگ ءِ عمل سرجم کتگ۔ گوادر پورٹ اتھارٹی ءِ حکام ءِ گشگ ءِ ردءَ پائپ  چیر گیجگ ءِ  عمل سرجم کنگ بوتگ۔ گوادر اتھارٹی ءِ حکام ءِگشگ ءِ ردءَ پائپ لائن کونیں بالی پڑ ءَ سر بوتگ اَنت  کہ چہ بورانی وسیلگ ءَ آپ بہر ءُ بانگ کنگ بوہگ ءَ اِنت وہدے کہ دیم ءِ بہر ءَ لوگاناں آپ دیئگ ءِ ھاترءَ  پائپ لائن چیرگیجگ بیت کہ ایشی ءَ چہ گوادر ءَ آپ ءِ جیڑہ گیش ءُ گیوار بیت۔ آئی ءَ  گشتگ کہ شہر ءَ را ہمک روچ7.5 ملین گیلن آپ ءِ ضلورت اِنت، اکرا کور ڈیم ءَچہ  1.5ملین گیلن آپ رسگ ءَ اِنت کہ ایشی ءَ چہ گوادر فری زون ءِ ضلورت پیلو بوہگ ءَ اِنت۔ آئی ءَ گشتگ کہ یک دگہ سپلائی  لائن ءِ سرءَ گوں گشادی  ءَ کار بوہگ ءَ اِنت کہ ایشی ءَ چہ شادی کور ڈیم ءَ چہ 2.5 ملین گیلن آپ سواڈیم ءَ  آرگ بیت کہ ایشی ءَ چہ شہر ءَ را سپلائ بیت  ءُ ایشی ءِ سرءَ 80 درسد تعمیراتی کار سرجم بوتگ، ایشی ءَ پد سواڈیم ءَ چہ 7.5 ملین گیلن آپ گوادر شہر ءُ دھکہ آں پجارینگ بیت۔  حکام ءِگشگ ءِ ردءَ میرانی ڈیم  تاں گوادر ءَ 5 ملین گیلن آپ دیئگ ءِ ھاترءَ 150 کلومیٹر پائپ لائن چیرگیجگ ءِ منصوبہ ءِ سرءَ ہم کار جاری اِنت۔ گوادر شہر ءَ را 16 ایم جی ڈی آپ 2025 ءَ  دیئگ بیت وہدے کہ تاں 2035 ءَ 40 ملین گیلن آپ سرکنگ ءِ ھاترءَ منصوبہ بندی کنگ بوتگ۔