اسلام آباد۔3اگست (اے پی پی): بی آئی سی ٹی ءِ انفارمیشن سیکریٹری الطاف حسین زہری ءَ گوں وتی کابینہ ءِ ہمرائی ءَ گوں میرنصراللہ مری ءَ گندء ُنندی دیوان کتگ۔ دیوان ءَ تنظیم ءِ کارانی سرءَ ھیال ءُ لیکہ ءِدرشانی کنگ بوتگ ء ُ اے بابت ءَ مردماں سرپدی دیئگ بوتگ۔ ءُ گشگ بوتگ کہ اے یک جوانیں گل اِت کہ اے بلوچانی فلاح ء ُ گہبود ءِ ھاترءَ کار کنت ءُ آیانی جیڑہ ءُجنجالاں گیش ءُ گیوار کنت۔ دیوان ءِباسکاں اے دیوان ءِ برجم دارگ ءَ وشی ءِ درشانی کتگ ء ُ گشتگ کہ دائم ءَ ہم اے وڑیں دیوان برجم دارگ بہ بیت تنکہ راج ءِ جیڑہ ءُ جنجالانی سرءَ گپءُ تران بہ بیت ءُ آ زوتاں چہ زوت گیش ءُ گیوار کنگ بہ بیت۔ ایشی ءَ ابید الطاب حسین زہری بلوچستان ءِ بازیں دمگانی ترء ُتاب کنگ ءَ پد وتی دمگ لاڑکانہ ءَ سربوتگ۔
