اسلام آباد۔3اگست (اے پی پی): محفوظ ءُ پلگاریں زمین ملک ءُ راج ءِ کشت ءُ کشار، معاشی ءُ چاگردی دیمروئی ءَ بنیاتی ارزشت ءِ دار ایت، راستیں مالومداری ءُ اسلیں ریکاٹ آنی استی نہ ایوک ءَ چاگرد ءِ مردم آنی واستہ محفوظ ءُ پلگاریں زمین ءُ جائیداسد آنی ھک آناں آسانی ءَ گوں در جنگ ءِ وسیلگ بلکینگ ءَ راجی منصوبگ بندی، دیمروئی ءُ انتظامی چست ءُ ایر آناں پیلو کنگ ءِ واستہ ھم المی انت وھدیکہ ایشی ءَ چہ آمید گس آنی تہ ءَ کیس آنی بار آنی تہ ءَ مزنیں کساس ءَ کمی ءِ گوما مردم آنی کیس کنگ ءِ رد ءَ ھرچ ءُ درچ آنی تہ ءَ کم بیت۔ بد بھتی ءَ چہ 22 کروڑ ءِ آباتی والایں ملک ءَ استیں کوھنیں ءُ کلنڈیں نظام ءِ سبب ءَ زمین آنی ملکیت ءِ سرجمیں ھال ءِ در جنگ سک باز سک ءُ گران انت۔
لینڈ انفارمیشن سسٹم زمین ءِ رجسٹریشن ءِ روایتی نظام آنی رد ءَ انت ءُ اے وڑیں ریکاٹ چپ ءُ چوٹ بوھگ ءَ ھوار سک باز کوھن انت ءُ اے نظام ءَ چہ استیں مالومداری ھم کم انت، زمین ءِ یک مردمے ءِ رکاٹ ءِ در جنگ ءِ واستہ باز روچ ءَ تاں پٹواری ءِ کارگس ءِ چکر جنگ کپ ایت، ایشی ءِ بنیاتی سبب مردم آںی اندر ءِ کانود ءِ مالومداری ءَ چہ نہ زانت کاری انت، کرپشن ، وتی اختیار آنی ناجائز کارمرز کنگ ءُ بازیں سیاسی ءُ چاگردی زوراکیں مردم آنی روب زوراکی ءِ سبب ءَ زمین ءِ بھر ءُ بانگ ءَ بازیں جیڈھ ، کم ءُ گیشی، دھوکہ دیگ، کشاں چیل، رجسٹریشن ءِ بھا ءُ سیم ءُ ٹرانسفر ءِ نظام ءَ گوں بندوکیں جیڈھ ودی بنت۔ ایشی ءِ سبب ءَ اے سیکٹر آنی تہ ءَ جوانیں دیمروئی نہ بوتگ۔ اے جیڈھ آنی گیواری ءِ واستہ سیادی داروکیں ادارگ آنی تہ ءَ گہتری ءِ واستہ کانودی ءِ تہ ءَ گہتری ءُ زمین ءِ ریکاٹ آناں محفوظ کنگ ءِ واستہ کمپیوٹرائز رپک کنگ وھد ءِ ارزشتی ایں ضلورت بوتگ۔
لینڈ ریکاٹ ءِ تہ ءَ گہتری ءِ واستہ کمپیوٹرائزیشن یک بنیاتی چیز ات، انفارمیشن ٹیکنالوجی ءَ را کامرز کنان ءَ الس ءَ تاں ریکاٹ ءِ در جنگ آسان بیت ایشی ءَ چہ ناں ایوک ءَ کرپشن ءُ کشاں چیل ءُ جیڈھ آنی ھلاسی بوت کنگ بلکینگ ءَ کار کرد ءِ تہ ءَ گیشی بوھگ کنت۔ اے راستی آنی رد ءَ 2013 ءَ ورلڈ بنک ءُ حکومت ءِ پاکستان ءِ کمک ءَ چہ صوبگ ءِ پنجاپ ءِ 145 تحصیل آںی تہ ءَ لینڈ ریکاٹ کمپیوٹرائزیشن پروجیکٹ ءِ بنگیج کنگ بوت پدا ھم گوستگیں حکومت ءَ اے ارزشتی ایں شوبگ ءِ سر ءَ دلگوشی نہ داتگ۔ پاکستان تحریک انصاف ءِ استیں حکومت ءَ اے منصوبگ ءَ را ارزشت داستگ ءُ پنجاپ حکومت ءَ را سر وزیر سرداسر عثمان بزادار ءِ سروکی ءَ پنجاپ لینڈ ریکاٹ مینمنٹ انفارمیشن سسٹم (پی ایل آر ایم آئی ایس) ءِ بنگیج کت۔ ایش حکومت ءِ نیمگ ءَ یک آشوبی گامگیج ات۔
ھمے رنگ ءَ پنجاپ حکومت ءِ پنت ءُ شون ءِ پد ءَ پنجاپ لینڈ ریکاٹ اتھارٹی ءَ الس ءِ آسراتی ءِ واستہ موبائل ایپ ’’ڈیجیٹل-پی ایل آر اے‘‘ ءِ ھم بندات کتگ ایشی ءِ وسیلگ ءَ زمین ءُ رجسٹری ءِ مالومداری در جنگ ءَ کمک رسیت۔ اے ایپ گوگل پلے اسٹور ءِ سر ءَ دستیاب انت ایشرا آسانی ءَ گوں موبائل ءِ سر ءَ ڈائون لوڈ کنگ ءَ چہ کجام ھم زمین ءِ ریکاٹ رجسٹری ڈیٹا، ٹیکس ءِ ھوالگ ءَ مالومداری ءُ فیس شیڈول چارگ بوت کنت۔ ایشی ءَ ابید ایپ وتی پسند ءِ مالومداری در جنگ ءُ ایشرا محفوظ کنگ ءَ کمک رسیت۔
پنجاب لینڈ ریکارڈ اتھارٹی ءِ ڈائریکٹر جنرل معظم اقبال سپرا ءِ رد ءَ اتھارٹی ءَ را گیش مھکم کنگ ءُ لینڈ ریکاٹ ڈیجیٹلائزیشن ءِ واستہ توامیں سیادی داروکیں گامگیج کنگ بوھگ ءَ انت۔ آئی ءَ گوشت کہ پنجاپ لینڈ ریکاٹ اتھارٹی ءَ مردم آنی آسراتی ءِ واستہ گوستگیں یک سالے ءَ لینڈ ریکاٹ سنٹرز ءِ کساس ءَ باز گیشی کتگ، 246 اسپیشل لینڈ سنٹرز آں ابید، سیٹلائٹ سنٹر ءُ ایندگر ادارگ آںی کمک ءَ چہ 5 ہزار ءَ چہ گیش کسانیں کچ ءُ کساس ءَ جوڑ کتگیں سنٹرز آنی تہ ءَ لینڈ ریکاٹ سروسز لس مردم آناں پجاری کنگ بوھگ ءَ انت۔
ترجمان ءِ رد ءَ پنجاپ لینڈ ریکاٹ اتھارٹی ءَ راجی ھزانگ ءَ 12 ارب کلدار جم کتگ، ھمے رنگ ءَ لینڈ ریکاٹ سنٹر ءَ چہ کلی آمدنی 22 ارب کلدار ءَ چہ گیش ریکاٹ کنگ بوتگ۔ اے گوستگیں مالی سال ءِ رد ءَ 37 درسد گیشی بوتگ وھدیکہ لینڈ ریکاٹ سنٹرز ءَ چہ ازمت پجاری ءِ پد ءَ السی دل یکیمی ِ درشان انت۔ آئی ءَ گوشت کہ پنجاپ لینڈ ریکاٹ اتھارٹی ءَ ’’لینڈ ٹرانسفر اینڈ مینجمنٹ‘‘ ءِ چیر دستی ءَ سرکاری ھزانگ ءَ 7456 ملین کلدار جم کنائینتگ۔ ریونیو ءَ گیشی لینڈڈ ریکاٹ سسٹم ءَ ٹیکنالوجی ءِ کارمردی ءَ چہ بوت کتگ۔ اتھارٹی ءَ دو سال پیسر تحصیل ءِ تک ءَ زمین ءِ ریکاٹ ءَ را کمپیوٹرائزڈ کنگ بندات کتگ،
بنداتی رنگ ءَ 152 لینڈ ریکاٹ سنٹرز آناں آسراتی پجاری کنگ بوت، نوں اے آسراتی آنی کار رپکی رھبند 5000 ءَ چہ گیش بنجاھ ءَ تاں ودینگ بوتگ۔ ایشانی تہ ءَ 60 کانود گُشی سیٹیلائٹ سینرز، 2800 ءَ چہ گیش نادرا ای آسراتی بنجاہ، 10 ای سروسز سینٹرز ءُ 28 کمرشل بینک ھوار انت۔
ترجمان ءِ رد ءَ وت کار کنوکیں نظام ءَ را میاں اوستمانی کد ءُ بالاد ءِ رد ءَ آرگ ءِ واستہ نوکیں گامگیج ھم کنگ بوھگ ءَ انت۔ ڈن ملک ءَ نندوکیں پاکستانی آنی آسراتی ءِ واستہ لینڈ ریکاٹ سروسز زوت امریکہ، برطانیہ ، متحدہ عرب امارات ءُ سعودی عرب ءَ پاکستانی سفارت خانہ آنی تہ ءَ بندات کنگ بیت۔ انوگ ءَ تاں 65 ہزار مردم آناں آن لائن فرڈ سسٹم ءِ وسیلگ ءَ آسراتی پجاری کنگ بوتگ وھدیکہ کریڈٹ کاٹ، ڈیبٹ کاٹ، جاز کیش ءُ ایزی پیسہ ءِ وسیلگ ءَ آن لائن ادائیگی ءِ نظام ھم سہرا کنگ بوتگ۔ گوزوکیں مالی سال 2021 ءَ زمین ءِ ٹرانسفر ءِ ھوالگ ءَ ھواریں رنگ ءَ 7.45 ارب کلدار ھزانگ ءَ جم کنگ بوتگ۔ اے ھوالگ ءَ سرکاری ماڑی آنی رکھینگ ءِ واستہ توامیں لوٹ بوتگیں گامگیج کنگ بوھگ ءَ انت۔
پنجاب لینڈ ریونیو اتھارٹی ءِ توامیں گامگیج آنی مول ءُ مراد ای گورننس ءِ دیمروئی، لینڈریکاٹ ڈیجیٹلائزیشن ءُ اتھارٹی ءِ کار کرد ءِ تہ ءَ گہتری ءِ وسیلگ ءَ مردم آناں آسان ازمت پجاری کنگ انت۔
ادا اے گپ لائک ءِ تران انت کہ لینڈ ڈیجٹیلائزیشن ءِ ھوالگ ءَ مزن وزیر عمران خان ءَ انوں زوتاں سروے آف پاکستان ءَ را لینڈ ڈیجٹیلائزیشن سرجم کنگ ءِ ٹاسک ھم داتگ ایشی ءِ اولی فیز ءَ کراچی، لاہور سٹی ءُ اسلام آباد لینڈ ڈیجٹیلائزیشن ءِ کار جاڑی انت۔ ھال در آںی رد ءَ لیڈ ڈیجٹیلائزیشن ءِ کار ءَ را سرجم کنگ ءِ واستہ محکمہ مال ءِ ریکاٹ سیٹلائیٹ امیجری ءُ فیلڈ سروے ءِ کمک زورگ بوھگ ءَ انت۔ امیت انت کہ اے منصوبگ ءِ سر ئَ دیمروئی زمین ءِ بابت ءَ ریکاٹ ڈیجیٹلائزیشن ءِ کار زوت سرجمی ءِ سیم سر آں رس ایت ءُ سیادی داروکیں جیڈھ آنی گیواری ءَ کمک رسیت۔
