اسلام آباد۔2اگست (اے پی پی):صدر مملکت ڈاکٹر عارف علوی ءَ گوشت کہ اسلامی ملک آناں ناشرکاری ءُ اسلامو فوبیا ءِ ھوالگ ءَ ٹوھیں جیڈھ آنی گوما دیم پہ دیمی انت ایشانی نزیکیں کمک آنی وسیلگ ءَ گر ءُ دار کنگ بوت کنت، اسلامو فوبیا ءِ بابت ءَ دگنیا ءِ لیکہ آناں کنگ ءِ واستہ یکجائی ءَ کار کنگ ءِ ضلورت انت۔ آ عرب پارلیمنٹ ءِ صدر عادل بن عبدالرحمین العسومی ءَ گوں تران کنان ءَ کت آئی ءَ دو شمبے ءَ ایوان ءِ صدر ءَ آئی ءَ گوں گند ءُ نند کت۔صدر ءِ مملکت ءَ اسلامی ملک آنی سر ءَ زور پر داست کہ آ اسلامو فوبیا ءِ ھوالگ ءَ دگنیا ءِ لیکہ آناں ملک کنگ ءِ واستہ کار بکن انت۔ آئی ءَ گوشت کہ یکجائی لیکہ ءُ دود ءُ ربیدگ ءِ سبب ءَ پاکستان الس آناں عرب ملک آناں الس ءِ گوما واھگ ءُ دوستی انت، پاکستان نیامی رودراتکی ملک آنی گوما یکوئی ءَ را ھاسیں ارزشت ءِ دنت ءُ پڑ ءِ ایندگر ملک آنی گوما واھگ ءُ واھشت ءِ توامیں شوبگ آناں گیش مھکم کنگ لوٹ ایت۔ آئی ءَ گوشت کہ عرب پارلیمنٹ ءَ کشمیر ءِ جیڈھ ءِ ھوالگ ءَ پاکستان ءِ بن گپ ءِ ھمایت کتگ۔ عرب پارلیمنٹ ءِ صدر ءَ پاکستان ءِ حکومت ءِ نیمگ ءَ جوانیں وش اتک ءُ میزبانی کنگ ءِ پد ءَ آئی ءِ شگر ءُ منت گپت۔
